ഭുവനേശ്വർ: പുരി ജഗന്നാഥ ക്ഷേത്രത്തിൽ ദർശനം നടത്തി രാഷ്ട്രപതി ദ്രൗപദി മുർമു. രഥയാത്രയുടെ ഭാഗമായാണ് രാഷ്ട്രപതി ക്ഷേത്രത്തിൽ എത്തി ദർശനം നടത്തിയത്. രാഷ്ട്രപതി ഏവർക്കും രഥയാത്ര ആശംസകളും നേർന്നു.
രാവിലെയോടെയായിരുന്നു മുർമു ക്ഷേത്ര ദർശനം നടത്തിയത്. വിവിധ പൂജകളിൽ മുർമു പങ്കെടുത്തു. ക്ഷേത്ര ദർശനം പൂർത്തിയാക്കിയ ശേഷം ട്വിറ്ററിലൂടെയായിരുന്നു മുർമു ആശംസകൾ നേർന്നത്.
എല്ലാവർക്കും പ്രത്യേകിച്ച് ഭഗവാൻ ജഗന്നാഥന്റെ ഭക്തർക്ക് രഥയാത്ര ആശംസകൾ നേരുന്നതായി മുർമു വ്യക്തമാക്കി. ഈ ഉത്സവം എല്ലാവരുടെയും ജീവിതത്തിൽ ഐശ്വര്യവും സമാധാനവും സമൃദ്ധിയും കൊണ്ടുവരട്ടേ. ഇതിനായി ജഗന്നാഥ ഭഗവാനോട് പ്രാർത്ഥിക്കുന്നുവെന്നും മുർമു കൂട്ടിച്ചേർത്തു.
രഥയാത്രയോട് അനുബന്ധിച്ച് പ്രധാനമന്ത്രി നരേന്ദ്ര മോദിയും ആശംസകൾ നേർന്നിട്ടുണ്ട്. ഈ പുണ്യ അവസരത്തിൽ ഭഗവാൻ ജഗന്നാഥന്റെ ഐശ്വര്യം എല്ലാവർക്കും ഉണ്ടാകട്ടേയെന്നായിരുന്നു പ്രധാനമന്ത്രിയുടെ ആശംസ.
Discussion about this post