നെബ്രാസ്‌ക : വിവാഹം കഴിച്ച് ഒരു മണിക്കൂറിൽ വരൻ കുഴഞ്ഞുവീണ് മരിച്ചു. 48 കാരനായ ടൊറാൻസെ ഡേവിസ് ആണ് മരിച്ചത്. തന്റെ പങ്കാളിയായ ജോണി മേ ഡേവിസുമായുള്ള വിവാഹത്തിന് ശേഷം പള്ളിയിൽ നിന്ന് പുറത്തിറങ്ങി ഫോട്ടോ ഷൂട്ട് നടത്തുന്നതിനിടെയാണ് ദാരുണമായ സംഭവം നടന്നത്.
യുഎസിലെ മെബ്രാസ്‌കയിലാണ് സംഭവം. ഇരുവരുടെയും കുട്ടികളും ബന്ധുക്കളും സുഹൃത്തുക്കളുമെല്ലാം വിവാഹത്തിന് എത്തിയിരുന്നു. ജീവിതകാലം മുഴുവൻ ഒന്നിച്ച് മുന്നോട്ട് പോകുമെന്ന് പ്രതിജ്ഞ ചെയ്ത് പള്ളിയിൽ നിന്ന് ഇറങ്ങിയതിന് പിന്നാലെ ഡേവിസ് കുഴഞ്ഞുവീഴുകയായിരുന്നു. ഉടൻ ആംബുലൻസിൽ കയറ്റി ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഹൃദയത്തിൽ രക്തം കട്ടപിടിച്ചതാണ് മരണകാരണം എന്നാണ് റിപ്പോർട്ട്.
എല്ലാം നിമിഷ നേരം കൊണ്ടാണ് സംഭവിച്ചത്. രണ്ട് പേരും വളരെയധികം സ്‌നേഹമുള്ളവരായിരുന്നു. ഏറെ നാളായി ഇരുവരും വിവാഹത്തിന് തയ്യാറെടുക്കുയായിരുന്നവെന്നും ഇനി ഭാര്യയ്ക്ക് ഡേവിസിന്റെ സംസ്‌കാര ചടങ്ങുകൾക്ക് തയ്യാറെടുക്കേണ്ടി വരുമെന്നും സുഹൃത്തുക്കൾ വേദനയോടെ പറയുന്നു.
Discussion about this post