കൊച്ചി : ഈജിപ്ത് സന്ദർശനവേളയിൽ പ്രധാനമന്ത്രി നരേന്ദ്ര മോദിക്ക് ഭക്ഷണമൊരുക്കിയത് മലയാളി. എറണാകുളം ഏലൂർ പാണാട്ടിൽ അനൂപ് അഷറഫ് എന്ന യുവാവാണ് കെയ്റോയിലെത്തിയ മോദിക്ക് മുന്നിലേക്ക് ഇഷ്ടവിഭവങ്ങൾ എത്തിച്ചത്. ഭക്ഷണം കഴിച്ച് സംതൃപ്തനായ പ്രധാനമന്ത്രി അനൂപിനോട് വിശേഷങ്ങൾ ചോദിച്ചറിഞ്ഞു. തുടർന്ന് ഒരു ഫോട്ടോയുമെടുത്ത ശേഷമാണ് മടങ്ങിയത് എന്ന് അനൂപ് പറഞ്ഞു.
കേട്ടറിഞ്ഞതിനേക്കാൾ വളരെ സിമ്പിളായ വ്യക്തിയാണ് പ്രധാനമന്ത്രിയെന്ന് അനൂപ് പറയുന്നു. കളമശേരി ഗവ. ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ നിന്ന് പഠനം പൂർത്തിയാക്കി അനൂപ് കേരളത്തിലെ പഞ്ചനക്ഷത്ര ഹോട്ടലുകളിൽ ജോലി ചെയ്തിട്ടുണ്ട്. തുടർന്നാണ് വിദേശ രാജ്യങ്ങളിലേക്ക് പോയത്.
21 കൊല്ലത്തെ എക്സ്പീരിയൻ ഉള്ള ചീഫ് ഷെഫാണ് അനൂപ്. ലോകത്തെ നിരവധി പ്രമുഖ വ്യക്തികൾക്ക് ഭക്ഷണമൊരുക്കിയിട്ടുണ്ട്. കഴിഞ്ഞ മൂന്ന് വർഷമായി കെയ്റോയിലെ ഹോട്ടലിൽ എക്സിക്യൂട്ടീവ് ഷെഫ് ആയാണ് ജോലി ചെയ്യുന്നത്. ഇതിന് മുൻപ് ഒമാൻ രാജകുടുംബത്തിന്റെ ഷെഫ് ആയി പ്രവർത്തിച്ചിട്ടുണ്ട്.
Discussion about this post