തിരുവനന്തപുരം: അദാനി ഗ്രൂപ്പ് ചെയർമാർ ഗൗതം അദാനിയുമായി കൂടിക്കാഴ്ച നടത്തി നടനും ബിജെപി ദേശീയ കൗൺസിൽ അംഗവുമായ കൃഷ്ണകുമാർ. അഹമ്മദാബാദിൽ എത്തിയാണ് അദ്ദേഹവും ഭാര്യ സിന്ധുവും അദാനിയെയും കുടുംബത്തെയും കണ്ടത്. സിന്ധു ഇൻസ്റ്റഗ്രാമിലൂടെയാണ് ഇക്കാര്യം പങ്കുവച്ചത്.
ഗൗതം അദാനിയെയും ഡോ. പ്രീതി അദാനിയെയും കാണാൻ സാധിച്ചുവെന്ന് സിന്ധു ഇൻസ്റ്റഗ്രാമിൽ കുറിച്ചു. ഇരുവർക്കുമൊപ്പമിരുന്ന് ഉച്ച ഭക്ഷണം കഴിക്കാൻ കഴിഞ്ഞതിൽ അതിയായ സന്തോഷമുണ്ട്. അഹമ്മദാബാദ് തങ്ങൾക്ക് സന്തോഷകരമായ ഓർമ്മകൾ സമ്മാനിച്ചതായും സിന്ധു ഇൻസ്റ്റഗ്രാമിൽ കുറിച്ചു.
കുറിപ്പിനൊപ്പം അദാനിയ്ക്കും പ്രീതിയ്ക്കും ഒപ്പം നിൽക്കുന്ന ചിത്രങ്ങളും സിന്ധു ഇൻസ്റ്റഗ്രാമിൽ പങ്കുവച്ചിട്ടുണ്ട്. പ്രിതി അദാനിയ്ക്ക് നിരവധി സമ്മാനങ്ങൾ നൽകിയ ശേഷമാണ് കൃഷ്ണകുമാറും സിന്ധുവും മടങ്ങിയത്.
Discussion about this post