ന്യൂഡൽഹി: ആയുസ്സിൽ ഒരിക്കൽ മാത്രം കാണാൻ സാധിക്കുന്ന ക്രാന്തദർശിയായ നേതാവാണ് പ്രധാനമന്ത്രി നരേന്ദ്ര മോദിയെന്ന് വിദേശകാര്യ വകുപ്പ് മന്ത്രി എസ് ജയ്ശങ്കർ. വിഷയങ്ങൾ താഴെ തട്ടിൽ നിന്നും നോക്കിക്കാണാൻ കഴിവുള്ളയാളാണ് പ്രധാനമന്ത്രി. അദ്ദേഹത്തിന്റെ നയരൂപീകരണങ്ങളിലും പദ്ധതി ആവിഷ്കരണങ്ങളിലും ഇതിന്റെ സ്വാധീനം പ്രകടമാണെന്നും ജയ്ശങ്കർ പറഞ്ഞു.
കൊവിഡ് വ്യാപനത്തിന്റെ കാലത്ത് പ്രധാനമന്ത്രിയുടെ നേതൃപാടവം നാം കണ്ടതാണ്. മഹാമാരിക്കാലത്ത് അദ്ദേഹത്തെ പ്രധാനമന്ത്രിയായി കിട്ടിയത് രാജ്യത്തിന്റെ പുണ്യമാണെന്നും ജയ്ശങ്കർ കൂട്ടിച്ചേർത്തു.
കൊവിഡ് കാലത്ത് ജോലി നഷ്ടമായവരെ അദ്ദേഹം ചേർത്തു പിടിച്ചു. രാജ്യത്തെ ഓരോ വീടുകളിലും അദ്ദേഹം ഭക്ഷ്യധാന്യങ്ങളും സേവനങ്ങളും സൗജന്യമായി എത്തിച്ചു. വിവിധ പദ്ധതികളുടെ ഭാഗമായ സാമ്പത്തിക സഹായങ്ങൾ നേരിട്ട് സ്ത്രീകളുടെ അക്കൗണ്ടുകളിലേക്ക് എത്തിച്ചു. സാമ്പത്തിക കാര്യങ്ങളിൽ സ്ത്രീകളുടെ മികവ് തിരിച്ചറിഞ്ഞ നേതാവാണ് മോദിയെന്നും വിദേശകാര്യ മന്ത്രി പറഞ്ഞു.
Discussion about this post