ന്യൂയോർക്ക്: അമേരിക്കയിൽ അതിശക്തമായ ഭൂചലനം. അലാസ്ക പെനിൻസുലയിലാണ് റിക്ടർ സ്കെയിലിലിൽ 7.4 തീവ്രത രേഖപ്പെടുത്തിയ ഭൂചലനം ഉണ്ടായത്. ഇതിന് പിന്നാലെ സുനാമി മുന്നറിയിപ്പ് പുറപ്പെടുവിച്ചു.
സംഭവത്തിൽ ആളപായം സംബന്ധിച്ച വിവരങ്ങൾ ഒന്നും തന്നെ പുറത്തുവന്നിട്ടില്ല. അലാസ്ക പെനിൻസുലയിൽ 9.3 കിലോമീറ്റർ ആഴത്തിലാണ് ഭൂചലനത്തിന്റെ പ്രഭവ കേന്ദ്രമെന്ന് അധികൃതർ അറിയിച്ചു.
അതേസമയം അഗ്നിപർവ്വത സ്ഫോടനം ഉണ്ടാകാൻ സാദ്ധ്യതയുണ്ടെന്നും അതിനാൽ ജനങ്ങൾ ജാഗ്രത പാലിക്കണമെന്നും അറിയിച്ചുകൊണ്ടുള്ള മറ്റൊരു മുന്നറിയിപ്പും പുറപ്പെടുവിച്ചിട്ടുണ്ട്. ഷിഷാൽഡിൻ അഗ്നിപർവ്വതത്തിന് സമീപമുള്ളവർക്കാണ് മുന്നറിയിപ്പ് നൽകിയിട്ടുള്ളത്.
Discussion about this post