മോസ്കോ: റഷ്യയിൽ സ്ഫോടനത്തിൽ പാലം തകർന്നു. സംഭവത്തിൽ രണ്ട് പേർ കൊല്ലപ്പെട്ടു. കുട്ടിയ്ക്ക് പരിക്കേറ്റു. ബെൽഗൊറോഡിലെ ക്രൈംബ്രിഡ്ജ് ആണ് സ്ഫോടനത്തിൽ തകർന്നത്.
രാവിലെയോടെയായിരുന്നു സംഭവം എന്നാണ് ദേശീയ മാദ്ധ്യമങ്ങൾ റിപ്പോർട്ട് ചെയ്യുന്നത്. യുക്രെയ്നിന്റെ ആക്രമണത്തിലാണ് പാലം തകർന്നത് എന്നും റിപ്പോർട്ടുകളുണ്ട്. പരിക്കേറ്റ കുട്ടിയെ ആശുപത്രിയിൽ പ്രവേശിപ്പിച്ചു. കുട്ടിയുടെ രക്ഷിതാക്കളാണ് സ്ഫോടനത്തിൽ കൊല്ലപ്പെട്ടത്.
സംഭവത്തിൽ പാലത്തിന്റെ ഒരു ഭാഗം തകർന്നു. ഇതേ തുടർന്ന് ഇതുവഴിയുള്ള വാഹന ഗതാഗതം തടസ്സപ്പെട്ടു. തകരാർ പരിഹരിക്കാനുള്ള ശ്രമങ്ങൾ ആരംഭിച്ചതായി അധികൃതർ വ്യക്തമാക്കിയിട്ടുണ്ട്.
Discussion about this post