ടെഹ്റാൻ ; ചലച്ചിത്ര മേള നിരോധിച്ച് ഇറാൻ. ഹിജാബ് ധരിക്കാത്ത നടിയുടെ ചിത്രം പരസ്യ പോസ്റ്ററിൽ ഉപയോഗിച്ചതിനെ തുടർന്നാണ് നടപടി. നിയമം ലംഘിച്ച് ഹിജാബ് ധരിക്കാത്ത ഒരു സ്ത്രീയുടെ ഫോട്ടോ പോസ്റ്ററിൽ ഉപയോഗിച്ചതിന് ഐഎസ്എഫ്എ ഫിലിം ഫെസ്റ്റിവലിന്റെ പതിമൂന്നാം പതിപ്പ് നിരോധിക്കാൻ സാംസ്കാരിക മന്ത്രി ഉത്തരവിടുകയായിരുന്നു.
1982ൽ പുറത്തിറങ്ങിയ ‘ദ ഡെത്ത് ഓഫ് യാസ്ദ്ഗേർഡ്’ എന്ന സിനിമയിൽ നടി സൂസൻ തസ്ലിമിയുടെ ഷോർട്ട് ഫിലിം ഫെസ്റ്റിവലിന്റെ പോസ്റ്റർ പുറത്തിറക്കിയതിനെ തുടർന്നാണ് നിരോധനം.
നേരത്തെ പൊതുസ്ഥലത്ത് ഹിജാബ് ധരിക്കാൻ വിസമ്മതിച്ച ചലച്ചിത്ര താരങ്ങളായ സ്ത്രീകൾക്ക് മാനസികരോഗമാണെന്ന നിരീക്ഷണവുമായി ഇറാനിയൻ ജഡ്ജിമാർ രംഗത്തെത്തിയിരുന്നു. നടിമാരായ ആസാദേ സമദി , ലീല ബൊലുകാട്ട്, അഫ്സാനെ ബയേഗൻ എന്നിവർ അടുത്തിടെ ശിരോവസ്ത്രം ധരിക്കാതെ പൊതുവേദികളിൽ പ്രത്യക്ഷപ്പെട്ടിരുന്നു. ഇവർക്ക് കുടുംബ വിരുദ്ധ വ്യക്തിത്വ വൈകല്യമാണെന്ന് ജഡ്ജിമാർ വിശേഷിപ്പിച്ചു. ഇവരെ നിർബന്ധിത മന;ശാസ്ത്രപരമായ ചികിസ്തയ്ക്ക് വിധേയമാക്കണമെന്ന് കോടതി ഉത്തരവിട്ടു. ശിക്ഷ അനുഭവിക്കും മുൻപ് മനോരോഗ കേന്ദ്രങ്ങളിൽ ഹാജരാകണമെന്നാണ് നിർദ്ദേശം.
Discussion about this post