കോഴിക്കോട്:കോഴിക്കോട് ജില്ലയിൽ നാളെ വിദ്യാഭ്യാസ സ്ഥാപനങ്ങൾക്ക് പ്രവർത്തി ദിവസമാണെന്ന് ജില്ലാ കളക്ടർ അറിയിച്ചു. നാളെ അവധിക്ക് അവധി ‘. ബുധനാഴ്ച വിദ്യാഭ്യാസ സ്ഥാപനങ്ങൾക്ക് പ്രവൃത്തിദിവസമാണെന്നും വിദ്യാർഥികൾ എല്ലാവരും സുരക്ഷിതരായി വിദ്യാലയങ്ങളിൽ പോയി തിരികെ വരണമെന്നും കളക്ടർ ഫേസ്ബുക്ക് പോസ്റ്റിൽ കുറിച്ചു.
കനത്ത മഴയെ തുടർന്ന് ഇന്നലെ കോഴിക്കോട് ജില്ലയ്ക്ക് ഉൾപ്പടെ നാല് ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധിയായിരുന്നു. എന്നാൽ മഴ കുറഞ്ഞ സാഹചര്യത്തിൽ നാളെ പ്രവർത്തി ദിവസമാണെന്ന് അറിയിച്ചിരിക്കുകയാണ് കളക്ടർ. കളക്ടറുടെ ഔദ്യോഗിക ഫേസ്ബുക്ക് പേജിൽ വന്ന അറിയിപ്പ് നിമിഷങ്ങൾക്കകം നിരവധി പേരാണ് ഷെയർ ചെയ്തത്.
കുട്ടികൾക്ക് സുരക്ഷിത യാത്ര ഉറപ്പുവരുത്തണമെന്ന് സ്കൂൾ ഹെഡ് മാസ്റ്റർമാർ, പിടിഎ അംഗങ്ങൾ, പഞ്ചായത്ത് അംഗങ്ങൾ എന്നിവർക്ക് കളക്ടർ നിർദേശം നൽകി. രക്ഷിതാക്കളും അദ്ധ്യാപകരും മഴക്കാലത്തെ അപകടസാധ്യതകൾ കുട്ടികളെ പറഞ്ഞു മനസിലാക്കണം, കുറച്ചു ദിവസത്തിന് ശേഷമാണ് കുട്ടികൾ സ്കൂളിൽ എത്തുന്നത്. അതിനാൽ അദ്ധ്യാപനം ആരംഭിക്കുന്നതിനു മുൻപായി സ്കൂളും ക്ലാസ് മുറികളും പരിശോധിക്കണമെന്ന് കളക്ടർ നിർദ്ദേശിച്ചു.
ജാഗ്രതയോടെയുള്ള പെരുമാറ്റം അപകടങ്ങളെ ഒഴിവാക്കും, അപ്പൊ എല്ലാവരും ഗോ ടു യുവർ ക്ലാസസ് ‘- എന്നു പറഞ്ഞുകൊണ്ടാണ് കളക്ടറുടെ അറിയിപ്പ് അവസാനിക്കുന്നത്.
Discussion about this post