ന്യൂഡൽഹി: ‘: സ്വാതന്ത്ര്യ ദിനാഘോഷങ്ങൾക്ക് മുന്നോടിയായി ‘മേരി മാതാ മേരാ ദേശ്‘ ക്യാമ്പയിൻ പ്രഖ്യാപിച്ച് പ്രധാനമന്ത്രി നരേന്ദ്ര മോദി. രാജ്യത്തിന് വേണ്ടി ജീവൻ ബലിയർപ്പിച്ച മഹദ് ജീവിതങ്ങൾക്കുള്ള ആദരമായിരിക്കും പരിപാടി. സ്വാതന്ത്ര്യത്തിന്റെ അമൃത മഹോത്സവം രാജ്യം ഏറ്റെടുത്തിരിക്കുകയാണെന്നും പ്രതിമാസ റേഡിയോ അഭിസംബോധനയായ മൻ കീ ബാത്തിൽ അദ്ദേഹം പറഞ്ഞു.
രാജ്യത്തിന് വേണ്ടി ജീവൻ ബലിയർപ്പിച്ച ധീരദേശാഭിമാനികൾക്കുള്ള ആദരമായിരിക്കും ‘മേരി മാതാ മേരാ ദേശ്‘ ക്യാമ്പയിൻ. രാജ്യത്തെ ലക്ഷക്കണക്കിന് ഗ്രാമങ്ങളിൽ ആ ധീരാത്മാക്കൾക്കുള്ള ആദരമായി പ്രത്യേക ലിഖിതങ്ങൾ സ്ഥാപിക്കുമെന്നും പ്രധാനമന്ത്രി വ്യക്തമാക്കി.
മേരി മാതാ മേരാ ദേശ്‘ ക്യാമ്പയിന്റെ ഭാഗമായി ‘അമൃതകലശ യാത്ര‘ സംഘടിപ്പിക്കും. രാജ്യത്തിന്റെ വിവിധ ഭാഗങ്ങളിൽ നിന്നും ശേഖരിച്ച മണ്ണ് നിറച്ച 7,500 കലശങ്ങൾ യാത്രയുടെ ഭാഗമായി ഡൽഹിയിൽ എത്തിക്കും. രാജ്യത്തിന്റെ വിവിധ ഭാഗങ്ങളിൽ നിന്നും ശേഖരിച്ച സസ്യങ്ങളും യാത്രയുടെ ഭാഗമാകും. ഇവയെല്ലാം ഉൾപ്പെടുത്തി ദേശീയ യുദ്ധ സ്മാരകത്തിന് മുന്നിൽ ‘അമൃത വാടിക‘ എന്ന പേരിൽ ഉദ്യാനം സ്ഥാപിക്കുമെന്നും പ്രധാനമന്ത്രി അറിയിച്ചു.
Discussion about this post