ജൂലൈയിലെ ജിഎസ്ടി വരുമാനത്തിലും ബമ്പർ വർധനവ്; ഖജനാവിലേക്ക് കോടികൾ

ന്യൂഡൽഹി: ജൂലൈ മാസത്തിലും രാജ്യത്തെ ജിഎസ്ടി വരുമാനം റെക്കോഡ് നേട്ടത്തിലേക്ക്.2023 ജൂലൈയിലെ ജിഎസ്ടി കളക്ഷൻ ഡാറ്റ ധനമന്ത്രാലയം പുറത്തുവിട്ടു.തുടർച്ചയായി അഞ്ചാം തവണയും ജിഎസ്ടി വരുമാനം ഒരു മാസത്തിനുള്ളിൽ 1.6 ലക്ഷം കോടി കവിഞ്ഞു. ധനമന്ത്രാലയത്തിന്റെ കണക്കനുസരിച്ച് ജൂലൈ മാസത്തിലെ ജിഎസ്ടി വരുമാനം 1,65,105 കോടി രൂപയാണ്. കഴിഞ്ഞ വർഷം ജൂലൈ മാസത്തിലുണ്ടായ വർദ്ധനവിനേക്കാൾ 11 ശതമാനം കൂടുതലാണിത്. കഴിഞ്ഞ വർഷം ജൂലൈയിൽ 1,48,995 ജിഎസ്ടി കളക്ഷൻ

ജിഎസ്ടി നിലവിൽ വന്നതിന് ശേഷം ഇത് അഞ്ചാം തവണയാണ് മൊത്തം ജിഎസ്ടി കളക്ഷൻ 1.6 ലക്ഷം കോടി കവിയുന്നത്. ജൂലൈയിലെ മൊത്തം ജിഎസ്ടി കളക്ഷൻ 1,65,105 കോടി രൂപയാണ്. . ഇതിൽ സിജിഎസ്ടി 29,773 കോടിയും എസ്ജിഎസ്ടി 37,623 കോടിയും ഐജിഎസ്ടി 85,930 കോടിയുമാണ്. ചരക്കുകളുടെ ഇറക്കുമതിയിൽ നിന്ന് 4,239 കോടി രൂപയാണ് സമാഹരിച്ചത്. ഇതിൽ 11,779 കോടി രൂപ സെസ് പിരിച്ച തുകയാണ്. 2023 ജൂണിൽ ജിഎസ്ടി കളക്ഷൻ 1,61,497 കോടി രൂപയായിരുന്നുവെന്ന് നമുക്ക് അറിയിക്കാം.

ധനമന്ത്രാലയം ഔദ്യോഗികമായി ഇതുസംബന്ധിച്ച പ്രസ്താവന ഇറക്കി. ജിഎസ്ടി വരുമാനത്തിൽ വാർഷികാടിസ്ഥാനത്തിൽ 11 ശതമാനം വർധനവുണ്ടായതായി ധനമന്ത്രാലയം പുറത്തിറക്കിയ പ്രസ്താവനയിൽ പറയുന്നു. ഏപ്രിലിൽ മാസത്തെ ജിഎസ്ടി വർദ്ധനവിൻറെ പശ്ചാത്തലത്തിൽ പ്രധാനമന്ത്രി നേരിട്ട് ധനമന്ത്രാലയത്തെ അഭിനന്ദിച്ചിരുന്നു. ഇന്ത്യൻ സാമ്പത്തിക മേഖലയ്ക്ക് വലിയ വാർത്തയാണിതെന്നും കുറഞ്ഞ നികുതി നിരക്കിലും ഇത്രയും തുക കളക്ട് ചെയ്യാൻ കഴിഞ്ഞത് ജിഎസ്ടി നടപ്പിലാക്കിയതിന്റെയും അതിന്റെ ഏകീകരണത്തിന്റെയും വിജയമാണെന്നും പ്രധാനമന്ത്രി വ്യക്തമാക്കിയിരുന്നു.