കേരളത്തിൽ 10 ട്രെയിനുകൾക്ക് പുതിയ സ്റ്റോപ്പുകൾ; ഉത്തരവിറക്കി റെയിൽവേ

കൊച്ചി: കേരളത്തിൽ സർവീസ് നടത്തുന്ന ദീർഘദൂര ട്രെയിനുകൾ ഉൾപ്പെടെയുള്ള 10 തീവണ്ടികൾക്ക് പുതിയ സ്റ്റോപ്പ് അനുവദിച്ച് റെയിൽവേ. ഏറ്റവും അനുയോജ്യമായ ദിവസം മുതൽ പുതിയ സ്റ്റേഷനുകളിൽ ട്രെയിൻ നിർത്തണമെന്ന് റെയിൽവേ ബോർഡ് ജോ. ഡയറക്ടർ വിവേക് കുമാർ സിൻഹ പുറത്തിറക്കിയ ഉത്തരവിൽ പറയുന്നു.

16629/16630 തിരുവനന്തപുരം മംഗളൂരു സെൻട്രൽ എക്‌സ്പ്രസിന് പട്ടാമ്പിയിലാണ് പുതിയ സ്റ്റോപ്പ് അനുവദിച്ചിരിക്കുന്നത്. 16791/16792 തിരുനെൽവേലി – പാലക്കാട് പാലരുവി എക്‌സ്പ്രസ് – ഏറ്റുമാനൂർ, 12217/12218 കൊച്ചുവേളി – ചണ്ഡിഗഢ് എക്‌സ്പ്രസ് – തിരൂർ, 19577/19578 തിരുനെൽവേലി ജാംനഗർ എക്‌സ്പ്രസ് – തിരൂർ, 20923/ 20924 തിരുനെൽവേലി ഗാന്ധിധാം എക്‌സ്പ്രസ് – കണ്ണൂർ.

22677/22678 യശ്വന്ത്പുർ – കൊച്ചുവേളി എക്‌സ്പ്രസ് – തിരുവല്ല, 22837/22838 ഹാത്യ ഏറണാകുളം എക്‌സ്പ്രസ് – ആലുവ, 16127യ16128 ചെന്നൈ എഗ്മോർ ഗുരുവായൂർ എക്‌സ്പ്രസ് – പറവൂർ, 16791/ 16792 തിരുനെൽവേലി പാലക്കാട് പാലരുവി എക്‌സ്പ്രസ് – തെന്മല, 16649/ 16650 മംഗളൂരു നാഗർകോവിൽ പരശുറാം എക്‌സ്പ്രസ് – ചെറുവത്തൂർ എന്നിവിടങ്ങളിലാണ് പുതിയ സ്റ്റോപ്പുകൾ.