തിരുവനന്തപുരം: റേഡിയോ ജോക്കി രാജേഷ് വധക്കേസില് പ്രതികള്ക്ക് ജീവപര്യന്തം ശിക്ഷ വിധിച്ച് കോടതി. രണ്ടും മൂന്നും പ്രതികളായ മുഹമ്മദ് സാലിഹിനും അപ്പുണ്ണിക്കുമാണ് ജീവപര്യന്തം ലഭിച്ചത്. തിരുവനന്തപുരം അഡീഷണല് സെഷന്സ് കോടതിയാണ് ശിക്ഷ വിധിച്ചത്. ഇവര് കുറ്റക്കാരാണെന്ന് നേരത്തെ കോടതി കണ്ടെത്തയിരുന്നു. നേരത്തെ കേസിലെ 4 മുതല് 12 വരെയുള്ള പ്രതികളെ കോടതി തെളിവുകളുടെ അഭാവത്തില് വെറുതേ വിട്ടിരുന്നു.
കേസിലെ ഒന്നാം പ്രതി അബ്ദുല് സത്താറിനെ ഇതുവരെയും പിടികൂടാനായിട്ടില്ല. ഖത്തറില് വ്യവസായിയായ ഇയാളാണ് രാജേഷിനെ കൊല്ലാന് ക്വട്ടേഷന് നല്കിയത്. മടവൂര് പടിഞ്ഞാറ്റേതില് ആശാ നിവാസില് രാജേഷിനെ 2018 മാര്ച്ച് 27 ന് പുലര്ച്ചെ 2.30 നാണ് മടവൂര് ജംഗ്ഷനില് സ്വന്തം ഉടമസ്ഥതയിലുള്ള മെട്രാസ് റിക്കോര്ഡിംഗ് സ്റ്റുഡിയോയില് വച്ചാണ് പ്രതികള് വെട്ടിക്കൊന്നത്. ഇയാള് ഖത്തറലായിരുന്നപ്പോള് ഒന്നാം പ്രതി അബ്ദുല് സത്താറിന്റെ ഭാര്യയുമായി ഉണ്ടായിരുന്ന അടുപ്പമാണ് കൊലപാതകത്തില് കലാശിച്ചത്.
Discussion about this post