സക്ഷമ കേരളം നിർമ്മിച്ചിട്ടുള്ള ഹ്രസ്വ ചിത്രം ‘മായാത്ത മാരിവില്ലിന്റെ’ ടീസർ നടൻ ഉണ്ണി മുകുന്ദൻ പുറത്തിറക്കി. ഭിന്നശേഷിയുള്ളവരുടെ ക്ഷേമത്തിനുവേണ്ടി പ്രവർത്തിക്കുന്ന ദേശീയ സംഘടനയായ സക്ഷമയുടെ ഭാഗമാണ് സക്ഷമ കേരളം. ദേശീയ നേത്രദാന പക്ഷാചരണത്തിനോട് അനുബന്ധിച്ച് ഭാരതം മുഴുവനും നേത്രദാനം മഹാദാനം എന്ന വലിയ സന്ദേശം എത്തിക്കുകയാണ് ‘മായാത്ത മാരിവില്ല്’ എന്ന ഹ്രസ്വചിത്രം. ആഗസ്റ്റ് 27 ന് ഇടപ്പള്ളി വിനിത വിനീത തീയേറ്ററിൽ ഈ ചിത്രം ഔദ്യോഗികമായി പ്രദർശിപ്പിക്കും.
ഉണ്ണി മുകുന്ദന്റെ ഫേസ്ബുക്ക് പോസ്റ്റിന്റെ പൂർണ്ണരൂപം കാണാം,
Best wishes! 😊
നമ്മൾ ദിവസവും കാണുന്ന ചില മനോഹരമായ കാഴ്ചകൾ ഉണ്ട്. ഉദിച്ചുയരുന്ന സൂര്യൻറെ പ്രകാശകിരണം പതിഞ്ഞ് തിളങ്ങുന്ന തളിരിലകളും, മുറ്റത്തെ ചെടികളും, അതിൽ വിരിഞ്ഞു നിൽക്കുന്ന മനോഹരമായ പൂക്കളും, പറന്നിറങ്ങുന്ന കിളികളും, അങ്ങനെ നിരവധി മനോഹാരിതകൾ കാണുവാൻ നമുക്ക് ഭാഗ്യമുണ്ട്. എന്നാൽ ഇതൊന്നും കാണാൻ കഴിയാതെ പൂർണ്ണമായ അന്ധകാരത്തിൽ ജീവിക്കുന്ന ആയിരക്കണക്കിന് സഹോദരങ്ങൾ നമുക്ക് ചുറ്റുമുണ്ട്. മരണാനന്തര നേത്രദാനത്തിലൂടെ ലഭ്യമാകുന്ന കോർണിയ മാറ്റിവച്ചാൽ ഇതിൽ ബഹുഭൂരിപക്ഷം പേർക്കും ഈ മനോഹരമായ ലോകം കാണുവാൻ കഴിയും.
ഭിന്നശേഷിയുള്ളവരുടെ ക്ഷേമത്തിനുവേണ്ടി പ്രവർത്തിക്കുന്ന ദേശീയ സംഘടനയായ സക്ഷമ, ഓഗസ്റ്റ് 25 മുതൽ സെപ്റ്റംബർ 8 വരെ നടക്കുന്ന ദേശീയ നേത്രദാന പക്ഷാചരണത്തിനോട് അനുബന്ധിച്ച് കേരളത്തിലും, ഭാരതം മുഴുവനും നേത്രദാനം മഹാദാനം എന്ന വലിയ സന്ദേശം എത്തിക്കുകയാണ്…
ഇതിൻറെ ഭാഗമായി സക്ഷമ കേരളം നിർമ്മിച്ചിട്ടുള്ള ഷോർട്ട് മൂവി *മായാത്ത മാരിവില്ലിന്റെ* ഔദ്യോഗികമായ റിലീസിംഗ് ആഗസ്റ്റ് 27 ഞായറാഴ്ച രാവിലെ 10 മണിക്ക് ഇടപ്പള്ളി വിനിത വിനീത തീയേറ്ററിൽ നടക്കുകയാണ്.. ഈ ഷോർട്ട് മൂവിയുടെ ടീസർ നേത്രദാന പക്ഷാചരണ ദിനത്തിന്റെ ആരംഭ ദിവസമായ ഇന്ന് റിലീസ് ചെയ്യുന്നു.. ഇത് എല്ലാവരും കാണണം, എല്ലാവരിലേക്കും ഷെയർ ചെയ്തു നേത്രദാന പക്ഷാചരണം വിജയിപ്പിക്കണമെന്ന് അഭ്യർത്ഥിക്കുന്നു.
നേത്രദാനം …..മഹാദാനം
Discussion about this post