പാകിസ്താനി താരം ജയിച്ചാലും സന്തോഷം മാത്രം; മകന്റെ വിജയത്തെക്കുറിച്ച് ചോദിച്ചപ്പോൾ നീരജ് ചോപ്രയുടെ അമ്മ പറഞ്ഞത് ഇങ്ങനെ

ന്യൂഡൽഹി : ലോക അത്‌ലറ്റിക് ചാമ്പ്യൻഷിപ്പിൽ ചരിത്രം കുറിച്ച ഗോൾഡൻ ബോയ് നീരജ് ചോപ്രയുടെ അമ്മ സരോജ് ദേവി മാദ്ധ്യമങ്ങൾക്ക് നൽകിയ മറുപടി ശ്രദ്ധനേടുകയാണ്. ഒരു പാകിസ്താനി താരത്തെ പരാജയപ്പെടുത്തിക്കൊണ്ട് മകൻ മുന്നേറിയതിൽ അമ്മയ്ക്ക് എന്ത് തോന്നുന്നു എന്നായിരുന്നു സരോജ് ദേവിയോട് ചോദിച്ച ചോദ്യം. ഇതിന് നൽകിയ മറുപടിയിലൂടെ നീരജ് ചോപ്രയുടെ അമ്മ രാജ്യത്തിന്റെയാകെ ഹൃദയം കവർന്നിരിക്കുകയാണ്.

” എല്ലാവരും ഫീൾഡിൽ കളിക്കാനാണ് വരുന്നത്. അതിൽ ഒരാളല്ലെങ്കിൽ മറ്റൊരാൾ വിജയിക്കും. വിജയി പാകിസ്താനിയാണോ ഹരിയാന സ്വദേശിയാണോ എന്നതിന് പ്രസക്തിയില്ല. ആര് ജയിച്ചാലും സന്തോഷം മാത്രം. മത്സരത്തിൽ പാകിസ്താനി താരം ജയിച്ചാലും സന്തോഷം മാത്രമേ ഉണ്ടാകൂ” നീരജിന്റെ അമ്മ പറഞ്ഞു.

”ഒരു മത്സരാർത്ഥി മത്സരാർത്ഥി തന്നെയാണ്‌, അവൻ എവിടെ നിന്ന് വരുന്നു എന്നതിന് പ്രസക്തിയില്ല. മത്സരത്തിൽ പാകിസ്താൻ കായിക താരം അർഷാദ് നദീം വിജയിച്ചതിൽ എനിക്ക് സന്തോഷമുണ്ട്” സരോജ് ദേവി കൂട്ടിച്ചേർത്തു.

A reporter asked #NeerajChopra 's mother about how she feels about Neeraj defeating a Pakistani athlete to win gold.

His mother said : A player is a player, it doesn't matter where he comes from, I am glad that the Pakistani player ( Arshad Nadeem) won as well.

This whole… pic.twitter.com/imk3ZHyLrC

— Roshan Rai (@RoshanKrRaii) August 28, 2023

ഇന്ത്യയും പാകിസ്താനും മുന്നിലെത്തിയതിൽ സന്തോഷം എന്നാണ് മത്സരത്തിൽ സ്വർണം നേടിയ ശേഷം നീരജ് ചോപ്ര പറഞ്ഞത്. അർഷാദ് നദീം മികച്ച പ്രകടനമാണ് കാഴ്ചവെച്ചത്. യൂറോപ്യൻ താരങ്ങൾ സമ്മാനങ്ങൾ നേടിയിരുന്ന കായിക ഇനങ്ങളിൽ ഇന്ന് ഏഷ്യൻ രാജ്യങ്ങൾ മെഡൽ കൊയ്യുകയാണ് എന്നും നീരജ് ചോപ്ര പറഞ്ഞത്.