ഭുവനേശ്വര് : ഒഡീഷയില് ശനിയാഴ്ച 61,000 ഇടിമിന്നലുകളാണ് രണ്ട് മണിക്കൂറിനിടെ ഉണ്ടായത്. ഇടിമിന്നലേറ്റ് 2 പേര് മരിക്കുകയും 14 പേര്ക്ക് പരിക്കേല്ക്കുകയും ചെയ്തതായി പ്രത്യേക ദുരിതാശ്വാസ കമ്മീഷണര് (എസ്ആര്സി) സത്യബ്രത സാഹു പറഞ്ഞു. സെപ്തംബര് 7 വരെ ജനങ്ങള് ജാഗ്രത പാലിക്കണമെന്ന് സംസ്ഥാന കാലാവസ്ഥാ നിരീക്ഷണ കേന്ദ്രം നിര്ദ്ദേശം നല്കിയിട്ടുണ്ട്.
മരിച്ചവരില് നാല് പേര് ഖുര്ദ ജില്ലയില് നിന്നുള്ളവരും രണ്ടു പേര് ബലംഗീറില് നിന്നുമുള്ളവരാണ്. അംഗുല്, ബൗധ്, ധെങ്കനാല്, ഗജപതി, ജഗത്സിങ്പുര്, പുരി എന്നിവിടങ്ങളില് നിന്ന് ഓരോരുത്തര് വീതവും മരിച്ചവരില് ഉള്പ്പെടുന്നു. ഗജപതി, കാണ്ഡമാല് ജില്ലകളില് ഇടിമിന്നലേറ്റ് എട്ടു കന്നുകാലികളും ചത്തതായി എസ്ആര്സി അറിയിച്ചു.
മരിച്ചവരുടെ കുടുംബത്തിന് 4 ലക്ഷം രൂപ വീതം ധനസഹായം നല്കുമെന്നും എസ്ആര്സി വ്യക്തമാക്കി. ഇടിമിന്നലിനെ ഒഡീഷ സര്ക്കാര് സംസ്ഥാന ദുരന്തമായി പ്രഖ്യാപിച്ചു. ഒരു നീണ്ട ഇടവേളയ്ക്ക് ശേഷം മണ്സൂണ് സാധാരണ നിലയിലേക്ക് നിലയിലേക്ക് മടങ്ങുമ്പോഴാണ് അസാധാരണവും തീവ്രവുമായ ഇത്തരം ഇടിമിന്നലുകള് ഉണ്ടായതെന്നു കാലാവസ്ഥാ വിദഗ്ദ്ധര് വ്യക്തമാക്കി.
തണുത്തതും അല്ലാത്തതുമായ മേഘങ്ങളുടെ കൂട്ടിയിടിയാണ് ഇത്തരം പ്രതിഭാസങ്ങള്ക്ക് അനുയോജ്യമായ സാഹചര്യങ്ങള് സൃഷ്ടിക്കുന്നതെന്ന് അവര് കൂട്ടിച്ചേര്ത്തു. ബുധനാഴ്ച വരെ സംസ്ഥാനത്ത് പ്രതികൂല കാലാവസ്ഥയായിരിക്കുമെന്ന് കാലാവസ്ഥ വകുപ്പ് മുന്നറിയിപ്പ് നല്കി. ബാഗാള് ഉള്ക്കടലില് സജീവമായ ചക്രവാതച്ചുഴി അടുത്ത 48 മണിക്കൂറിനുള്ളില് ന്യൂനമര്ദമായി മാറുകയും അതിന്റെ സ്വാധീനത്തില് ഒഡീഷയിലുടനീളം വ്യാപകമായ മഴയ്ക്ക് സാധ്യതയുണ്ടെന്നുമാണ് പ്രവചനം. സംസ്ഥാനത്തെ ഒടുമിക്ക ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്.
Discussion about this post