മലപ്പുറം: കരിപ്പൂർ വിമാനത്താവളത്തിൽ വൻ സ്വർണ വേട്ട. ഒളിപ്പിച്ച് കടത്താൻ ശ്രമിച്ച നാല് കിലോ സ്വർണം പിടികൂടി. സംഭവത്തിൽ പ്രതിയെ കസ്റ്റംസ് പിടികൂടിയിട്ടുണ്ട്.
മടവൂർ സ്വദേശി മുഹമ്മദ് ഫാറൂഖ് ആണ് പിടിയിലായത്. സുരക്ഷാ പരിശോധനയ്ക്കിടെയായിരുന്നു ഇയാളെ പിടികൂടിയത്. ശരീരത്തിൽ ഉൾപ്പെടെ ഒളിപ്പിച്ചാണ് ഇയാൾ ഇത്രയും സ്വർണം എത്തിച്ചത് എന്നാണ് വിവരം.
ഇയാളെ വിശദമായി ചോദ്യം ചെയ്തുവരികയാണ്. പിടിച്ചെടുത്ത സ്വർണത്തിന് 2.5 കോടി രൂപ വിലവരുമെന്ന് അധികൃതർ അറിയിച്ചു.
കഴിഞ്ഞ ദിവസം കരിപ്പൂരിൽ നിന്നും സ്വർണം പിടികൂടിയിരുന്നു. 60 ലക്ഷം രൂപയുടെ സ്വർണമാണ് സുരക്ഷാ പരിശോധനയ്ക്കിടെ പിടികൂടിയത്. സംഭവത്തിൽ തുവ്വൂർ സ്വദേശി മുനീർ ബാബു ഫൈസി പിടിയിലായിരുന്നു.
Discussion about this post