കണ്ണുകളെ കൂടുതൽ മനോഹരം ആക്കുന്നതിന് വേണ്ടിയാണ് നാം കണ്ണെഴുതാറുള്ളത്. പണ്ട് പരമ്പരാഗത രീതിയിൽ വീടുകളിൽ ഉണ്ടാക്കുന്ന കൺമഷി കൊണ്ടാണ് കണ്ണെഴുതാറുള്ളത് എങ്കിൽ ഇന്ന് രീതി മാറി. വിലകൂടിയ ഐ ലൈനറുകളും കൺമഷികളുമെല്ലാം ഇന്ന് വിപണിയും യുവത തലമുറയുടെ മനസ്സും കീഴടക്കിയിരിക്കുന്നു.
കണ്ണെഴുതുന്നത് കണ്ണിന്റെയും ഒരുപോലെ മുഖത്തിന്റെയും അഴക് വർദ്ധിപ്പിക്കും. എന്നാൽ കണ്ണുകളിലെ കൺമഷി പടരുന്നത് വിപരീത ഫലമാണ് നൽകുന്നത്. ചില കാര്യങ്ങൾ ശ്രദ്ധിച്ചാൽ കൺമഷി കണ്ണുകളിലേക്ക് പടരുന്നത് ഒഴിവാക്കാം.
കണ്ണെഴുതുന്നതിന് മുൻപായി കണ്ണിന് താഴെയായി അൽപ്പം പൗഡർ ഇടുന്നത് കൺമഷി പരക്കുന്നത് തടയാൻ സഹായിക്കും. കണ്ണെഴുതി കഴിഞ്ഞ് കണ്ണിന് താഴെ പൗഡർ ഇടുന്നതും ഗുണം ചെയ്യും. മുഖത്തെ എണ്ണമയം ആണ് കൺമഷി പടരുന്നതിന് കാരണം ആകുന്നത്. അതിനാൽ എണ്ണമയമുള്ള ചർമ്മമുള്ളവർ മുഖത്ത് മുഴുവനായി പൗഡർ ഇടുന്നത് നന്നായിരിക്കും.
ഐ ലൈനറും കൺമഷിയും ഒന്നിച്ച് എഴുതുന്നത് കൺമഷി മുഖത്തേക്ക് പരക്കുന്നത് തടയും. ആദ്യം കൺമഷി കൊണ്ട് കണ്ണെഴുതാം. ഇതിന് ശേഷം അതിന് മുകളിലായി ഐ ലൈനർ എഴുതാം. കണ്ണുകളുടെ അറ്റത്തേക്ക് കൺമഷി എഴുതരുത്. ഇതും പരക്കാൻ കാരണമാകും.
കണ്ണെഴുതുമ്പോൾ കർച്ചീഫോ ടിഷ്യൂ പേപ്പറോ കയ്യിൽ കരുതുന്നത് നന്നായിരിക്കും. അതേസമയം ഇപ്പോൾ പരക്കാത്ത തരത്തിലുള്ള സ്മഡ്ജ് പ്രൂഫ് കൺമഷികൾ വിപണിയിൽ ലഭ്യമാണ്. ഇതു ഉപയോഗിക്കുന്നതും ഗുണം ചെയ്യും.
Discussion about this post