ന്യൂഡല്ഹി : ജി 20 ഉച്ചകോടിക്ക് ഇന്ത്യയിലെത്തിയ കനേഡിയന് പ്രധാനമന്ത്രി ജസ്റ്റിന് ട്രൂഡോ ഇന്ന് നാട്ടിലേക്ക് മടങ്ങി. ഉച്ചകോടിക്ക് ശേഷം ഞായാറാഴ്ച രാത്രിയാണ് പ്രധാനമന്ത്രി മടക്കയാത്ര തീരുമാനിച്ചിരുന്നത്. എന്നാല് വിമാനത്തിന് സാങ്കേതിക തകരാറുകള് സംഭവിച്ചതിനാല് പ്രധാനമന്ത്രിയ്ക്കും സംഘത്തിനും രണ്ട് ദിവസം കൂടി ഇന്ത്യയില് തങ്ങേണ്ടി വന്നു. ഇന്ന് ഉച്ചയ്ക്ക് ഒരു മണിയോടെയാണ് വിമാനത്തിന്റെ സാങ്കേതിക പ്രശ്നങ്ങള് പരിഹരിച്ച് ജസ്റ്റിന് ട്രൂഡോയും സംഘവും ഡല്ഹിയില് നിന്ന് കാനഡയിലേക്ക് പുറപ്പെട്ടത്.
36 വര്ഷം പഴക്കമുള്ള എയര്ബസ് എ 310 എന്ന വിമാനത്തിനാണ് ഞായറാഴ്ച പുറപ്പെടുന്നതിന് തൊട്ടുമുമ്പ് തകരാര് സംഭവിച്ചത്. 36 മണിക്കൂറിന്റെ കാലതാമസമാണ് ഇതോടെ പ്രധാനമന്ത്രി നേരിട്ടത്. പ്രധാനമന്ത്രിയെ തിരികേ എത്തിക്കാന് കാനഡയില് നിന്ന് മറ്റൊരു വിമാനം ഇന്ത്യയിലേക്ക് പുറപ്പെട്ടിരുന്നു. എന്നാല് ഇവിടെുള്ള വിമാനത്തിന്റെ സാങ്കേതിക പ്രശ്നങ്ങള് ഇന്ന് പരിഹരിച്ചതിനാല് പകരം വന്ന വിമാനം ലണ്ടനിലേക്ക് വഴി തിരിച്ചു വിടുകയായിരുന്നു.
ജി 20 ഉച്ചകോടിയില് പങ്കെടുക്കാന് ഇന്ത്യയില് എത്തിയ പ്രധാനമന്ത്രി ജസ്റ്റിന് ട്രൂഡോയേയും മകന് സേവ്യറിനേയും യാത്രയാക്കാന് കേന്ദ്രമന്ത്രി രാജീവ് ചന്ദ്രശേഖര് വിമാനത്താവളത്തിലെത്തിയിരുന്നു. കനേഡിയന് സംഘത്തിന്റെ സുഗമമും സുരക്ഷിതവുമായ യാത്രയ്ക്ക് രാജീവ് ആശംസകള് നേര്ന്നു.
Discussion about this post