മുംബൈ: ഗണോശോത്സവത്തിന് പിന്നാലെ മുംബൈയിലെ ലാൽബോഗ്ച രാജ ക്ഷേത്രം സന്ദർശിച്ച് ബോളിവുഡ് താരം ഷാരൂഖ് ഖാനും മകൻ അബ്രാമും. മാനേജർ പൂജ ദദ്ലാനിക്കൊപ്പമാണ് ഷാരൂഖ് ക്ഷേത്രത്തിലെത്തിയത്. ക്ഷേത്രത്തിലെത്തിയ അദ്ദേഹം പ്രത്യേക ആരാധനയും നടത്തി.
ഗണേശ ചതുർത്ഥി ദിനത്തിൽ അദ്ദേഹം വിശ്വാസികൾക്ക് ആശംസകളുമായി രംഗത്തെത്തിയിരുന്നു. ഗണപതി ബപ്പാ ജി വീട്ടിലേക്ക് സ്വാഗതം. ഗണപതി ഭഗവാനെ ആദരിക്കുന്ന നിങ്ങൾക്കും നിങ്ങളുടെ കുടുംബത്തിനും ഒരു അത്ഭുതകരമായ ദിനം ആശംസിക്കുന്നു. ഗണപതി നമുക്കെല്ലാവർക്കും സന്തോഷവും ജ്ഞാനവും നല്ല ആരോഗ്യവും ധാരാളം മോദകവും നൽകി അനുഗ്രഹിക്കട്ടെയെന്നായിരുന്നു അദ്ദേഹത്തിന്റെ ആശംസ.
ഇതിന് മുൻപ് ജവാൻ റിലീസിന് പിന്നാലെ തിരുപ്പതി ക്ഷേത്രത്തിലെത്തിയ ഷാരൂഖ് ഖാനെ ഇസ്ലാമിസ്റ്റുകൾ സോഷ്യൽമീഡിയയിലൂടെ കടന്നാക്രമിച്ചിരുന്നു. തിരുപ്പതി ക്ഷേത്രത്തിൽ തലകുമ്പിട്ട് പ്രാർത്ഥിച്ചതാണ് ഇസ്ലാമിസ്റ്റുകളെ ചൊടിപ്പിച്ചത്.മകൾ സുഹാനയും ജവാനിലെ സഹതാരമായ നയൻതാര, ഭർത്താവ് വിഘ്നേഷ് ശിവൻ എന്നിവരും ഷാരുഖിനൊപ്പം ക്ഷേത്ര ദർശനം നടത്തിയിരുന്നു. സിനിമ റിലീസ് ചെയ്ത ഉടനെയാണ് ഷാരൂഖിന്റെ തിരുപ്പതി സന്ദർശനം. അതിന് മുൻപ് വൈഷ്ണോ ദേവി ക്ഷേത്രവും സന്ദർശിച്ചിരുന്നു.
Discussion about this post