മോഹൻലാലിൻറെ ഏറ്റവും പുതിയ ചിത്രങ്ങള്‍ ഏറ്റെടുത്ത് ആരാധകർ. അദ്ദേഹത്തിന്റെ സുഹൃത്ത്‌ സമീർ ഹംസ സമൂഹമാധ്യമങ്ങളിലൂടെ പങ്കുവച്ച ചിത്രങ്ങളാണ് ഇപ്പോൾ വൈറലായിരിരിക്കുന്നത്. മോഹൻലാൽ, ഭാര്യ സുചിത്ര മോഹൻലാൽ എന്നിവരോടടൊപ്പമുള്ള ചിത്രമാണ്, തമാശയും, ചിരിയും, മായാത്ത ഓർമ്മകളും നിറഞ്ഞ സംഭവബഹുലമായ സായാഹ്നം എന്ന അടിക്കുറുപ്പോടെ സമീർ തന്റെ ഇൻസ്റ്റാഗ്രാം അക്കൗണ്ടിൽക്കൂടി പങ്കു വച്ചിരിക്കുന്നത്.
ലൂസിഫറിന്റെ രണ്ടാം ഭാഗമായ എംപുരാൻ ഒക്ടോബർ 5 ന് ഡൽഹിയിൽ ഷൂട്ടിങ് ആരംഭിക്കും എന്ന വാർത്തകൾ പുറത്തു വന്നിരുന്നു. ജീത്തു ജോസഫ് ചിത്രം നേരിന്റെ ചിത്രീകരണം തിരുവനന്തപുരത്ത് പൂർത്തിയാക്കി കൊച്ചിയിലെത്തിയ മോഹൻ ലാൽ നാളെ കൊച്ചിയിൽ നിന്നും ഡൽഹിയിലേക്ക് തിരിക്കും. ചിത്രത്തിന്റെ സംവിധായകൻ പൃഥിരാജ് നേരത്തെ തന്നെ ഡൽഹിയിലേക്ക് തിരിച്ചിരുന്നു. മോഹൻലാലിന് പുറമെ ഇന്ത്യൻ സിനിമയിലെ മുൻ നിര താരങ്ങൾ എംപുരാനിൽ ഒന്നിക്കുമെന്നാണ് റിപ്പോർട്ട്. ഉത്തരേന്ത്യയും തമിഴ്നാടും വിദേശരാജ്യങ്ങളുമാകും സിനിമയുടെ പ്രധാന ലൊക്കേഷനുകൾ. എംപുരാനിൽ ആശീർവാദ് സിനിമാസിനൊപ്പം ലൈക പ്രൊഡക്‌ഷൻസും കൈകോർക്കുന്നു.
മുരളി ഗോപിയാണു കഥയും തിരക്കഥയും. ആശീർവാദ് സിനിമാസിനുവേണ്ടി ആന്റണി പെരുമ്പാവൂരാണു നിർമിക്കുന്നത്. സുരേഷ് ബാലാജിയും ജോർജ് പയസ് തറയിലും ചേർന്നുള്ള വൈഡ് ആംഗിൾ ക്രിയേഷൻസാകും ലൈൻ പ്രൊഡക്‌ഷൻ. ബജറ്റോ റിലീസ് തീയതിയോ പുറത്തുവിടാതെയാണ് ചിത്രീകരണം തുടങ്ങുന്നത്. മലയാള സിനിമയെന്ന നിലയിൽ മാത്രമാകില്ല ‘എംപുരാൻ’ ആസൂത്രണം ചെയ്യുന്നത്. തിയറ്ററിലും ഒടിടിയിലും വൻ ബിസിനസ് ലഭിച്ച ലൂസിഫറിന്റെ രണ്ടാം ഭാഗമായതിനാൽ ഹോളിവുഡ് ചിത്രത്തിനു സമാനമായ ലൊക്കേഷനും ചിത്രീകരണവുമാണ് ആസൂത്രണം ചെയ്യുന്നത്.
Discussion about this post