എറണാകുളം: നെടുമ്പാശ്ശേരിയിൽ വൻ സ്വർണ വേട്ട. ഒളിപ്പിച്ച് കടത്താൻ ശ്രമിച്ച രണ്ടേ കാൽ കിലോ സ്വർണം പിടിച്ചെടുത്തു. സംഭവത്തിൽ രണ്ട് സ്ത്രീകളെ കസ്റ്റംസ് കസ്റ്റഡിയിൽ എടുത്തു.
വൈകീട്ടോടെയായിരുന്നു സംഭവം. ശരീരത്തിലും അടിവസ്ത്രത്തിലും ഒളിപ്പിച്ചായിരുന്നു ഇരുവരും സ്വർണം കടത്താൻ ശ്രമിച്ചത്. എന്നാൽ ഇവരെ സുരക്ഷാ പരിശോധനയ്ക്കിടെ കസ്റ്റംസ് പിടികൂടുകയായിരുന്നു.
മലപ്പുറം സ്വദേശി ഉമൈബ, തൃശ്ശൂർ സ്വദേശി റംലത് എന്നിവരാണ് പിടിയിലായത്. ഇവരെ വിശദമായി ചോദ്യം ചെയ്തുവരികയാണ്. അന്താരാഷ്ട്ര സ്വർണക്കടത്ത് സംഘത്തിലെ കണ്ണികളാണ് ഇവരെന്നാണ് സംശയിക്കുന്നത്. ഇതിന്റെ അടിസ്ഥാനത്തിലാണ് ചോദ്യം ചെയ്യൽ.
