ഹാങ്ചോ: ഏഷ്യന് ഗെയിംസില് ഭാരതത്തിന് ഇരട്ടി മധുരം. ലോക ഒന്നാം നമ്പര് താരം നീരജ് ചോപ്ര സ്വര്ണ നേടിയപ്പോള് കിഷോര് കുമാര് ജന വെള്ളിയും നേടി. തന്റെ കരിയറിലെ ഏറ്റവും മികച്ച പ്രകടനമാണ് കിഷോര് കുമാര് ജന കാഴ്ച വച്ചത്. ഇതു വരെ ജാവലിന് ത്രോയില് കിഷോറിന്റെ ഏറ്റവും മികച്ച ദൂരവും പാരിസ് ഒളിംപിക്സ് യോഗ്യതയും സ്വന്തമാക്കിയാണ് കിഷോര് ഏഷ്യന് ഗെയിംസ് വേദിയില് നിന്നു മടങ്ങുന്നത്.
നാലാം ശ്രമത്തില് 88.88 ദൂരമെറിഞ്ഞതോടെയാണ് നീരജ് സ്വര്ണമുറപ്പിച്ചത്. 87.54 മീറ്റര് ദൂരമെറിഞ്ഞ് കിഷോര് കുമാര് പിന്നാലെ എത്തിയെങ്കിലും നീരജിന്റെ പ്രകടനത്തെ മറികടക്കാനായില്ല.
ജപ്പാനാണ് ഇനത്തില് വെങ്കലം നേടിയത്. പുരുഷന്മാരുടെ 4*400 മീറ്റര് റിലേയില് അനസ് മുഹമ്മദ് യഹിയ, അമോജ് ജേക്കബ്, മുഹമ്മദ് അജ്മല്, രാജേഷ് രമേഷ് എന്നിവരടങ്ങിയ സംഘം ഇന്ത്യക്കായി സ്വര്ണം നേടിയിരുന്നു.
Discussion about this post