ടെൽ അവീവ് : ഇസ്രായേലിൽ താമസിക്കുന്ന ഇന്ത്യൻ പൗരന്മാരോട് ജാഗ്രത പുലർത്തണമെന്ന് ഇന്ത്യൻ എംബസി. പ്രാദേശിക അധികൃതരുടെ ഉപദേശപ്രകാരം സുരക്ഷാ പ്രോട്ടോക്കോളുകൾ പാലിക്കണമെന്നും ഇസ്രായേലിലെ ഇന്ത്യൻ എംബസി പൗരന്മാരോട് ആവശ്യപ്പെട്ടിട്ടുണ്ട്.
ഗാസയിൽ നിന്നും ഇസ്രായേലിലേക്ക് പ്രവേശിച്ചിട്ടുള്ള തീവ്രവാദികളോട് പോരാടുകയാണെന്ന് ഇസ്രായേൽ സൈന്യം അറിയിച്ചതോടെയാണ് ഇന്ത്യൻ എംബസി തങ്ങളുടെ പൗരന്മാർക്ക് അറിയിപ്പ് നൽകിയത്. യുദ്ധത്തിന്റെ സാഹചര്യം നിലവിലുള്ളതിനാൽ അനാവശ്യ കാര്യങ്ങൾക്കായി പുറത്തിറങ്ങരുതെന്നും എംബസി അറിയിച്ചിട്ടുണ്ട്.
സുരക്ഷാ ഷെൽട്ടറുകളിലേക്ക് മാറേണ്ട അവസ്ഥയുണ്ടായാൽ അധികൃതരുടെ നിർദ്ദേശങ്ങൾ അനുസരിക്കണമെന്നും ഇന്ത്യൻ പൗരന്മാരോട് ആവശ്യപ്പെട്ടിട്ടുണ്ട്. ഗാസയ്ക്കും വടക്കൻ ഇസ്രായേലിനും, ലെബനനും സിറിയക്കും, വെസ്റ്റ്ബാങ്കിനും സമീപം ആയിരക്കണക്കിന് സൈനികരെയാണ് ഇസ്രായേൽ വിന്യസിച്ചിട്ടുള്ളത്. കടുത്ത യുദ്ധത്തിന്റെ സാഹചര്യത്തിലേക്കാണ് കാര്യങ്ങൾ നീങ്ങുന്നതെന്ന് ഇസ്രായേൽ അധികൃതർ വ്യക്തമാക്കി.
Discussion about this post