കൊച്ചി: വിമാനയാത്രയ്ക്കിടെ സഹയാത്രികനിൽ നിന്നും മോശം അനുഭവം ഉണ്ടായെന്ന പരാതിയുമായി യുവനടി ദിവ്യപ്രഭ. കൊച്ചി പോലീസിൽ പരാതി നൽകിയതിന്റെ സ്‌ക്രീൻഷോട്ട് സമൂഹമാദ്ധ്യമങ്ങളിൽ പങ്കുവച്ചുകൊണ്ടാണ് നടി ദുരനുഭവം വെളിപ്പെടുത്തിയത്.
സംഭവം നടന്ന ശേഷം വിമാനത്തിലെ ജീവനക്കാരനോട് പരാതി പറഞ്ഞിട്ടും യാതൊരു നടപടിയും ഉണ്ടായില്ലെന്നും പരാതിയിൽ പറയുന്നു. എയർ ഇന്ത്യ വിമാനത്തിൽ മുംബൈയിൽ നിന്ന് കൊച്ചിയിലേക്കുള്ള യാത്രയ്ക്കിടെയാണ് സംഭവം. മദ്യലഹരിയിലായിരുന്ന സഹയാത്രികൻ തൊട്ടടുത്ത സീറ്റിലിരുന്ന് മോശമായി പെരുമാറിയെന്നാണ് താരം ആരോപിക്കുന്നത്.
വിമാനഅധികൃതർ പറഞ്ഞത് പോലീസിനോട് പരാതിപ്പെടാൻ ആയിരുന്നു. കൊച്ചിയിലെത്തിയ ശേഷം ഇവർ പോലീസിൽ പരാതി നൽകി. സംഭവത്തിൽ ഉചിതമായ നടപടി വേണമെന്നും, വിമാനയാത്രക്കാരുടെ സുരക്ഷ ഉറപ്പാക്കണമെന്നും നടി ആവശ്യപ്പെട്ടു. സംഭവത്തിൽ പോലീസ് അന്വേഷണം ആരംഭിച്ചു.
Discussion about this post