തിരുവനന്തപുരം: സംസ്ഥാനത്ത് സ്വർണ വില സർവ്വകാല റെക്കോർഡിനരികെ. ഇന്ന് വീണ്ടും വില വർദ്ധിച്ചതോടെ പവന് വില 45,000 കടന്നു. പവന് 45,120 രൂപ എന്ന നിരക്കിലാണ് ഇന്ന് വ്യാപാരം പുരോഗമിക്കുന്നത്.
ഗ്രാമിന് 70 രൂപയുടെ വർദ്ധനവാണ് ഇന്ന് ഉണ്ടായിരിക്കുന്നത്. ഇതോടെ ഒരു ഗ്രാം സ്വർണത്തിന് 5,640 രൂപയായി. പവന് 560 രൂപയുടെ വർദ്ധനവും ഉണ്ടായി. തുടർച്ചയായ മൂന്നാം ദിവസമാണ് സ്വർണ വില ഉയരുന്നത്. മൂന്ന് ദിവസത്തിനിടെ ആയിരം രൂപയ്ക്ക് മുകളിലാണ് സ്വർണ വില വർദ്ധിച്ചത്.
ഇന്നലെ 200 രൂപയുടെ വർദ്ധനവാണ് പവന് ഉണ്ടായത്. ഇതോടെ സ്വർണ വില 44,560 ൽ എത്തിയിരുന്നു. ഇസ്രായേൽ- ഹമാസ് പോരാട്ടമാണ് നിലവിൽ സ്വർണ വില വർദ്ധിക്കുന്നതിന് കാരണം ആകുന്നത്. സുരക്ഷിത നിക്ഷേപം എന്ന നിലയിൽ സ്വർണത്തിന് ആവശ്യം ഏറുകയാണ്. ഇത് ആഗോളവിപണിയിൽ സ്വർണ വില ഉയർത്തിയിട്ടുണ്ട്. ഇതാണ് കേരളത്തിലെ സ്വർണ വിലയിലും പ്രതിഫലിക്കുന്നത്.
അതേസമയം വരും ദിവസങ്ങളിലും സംസ്ഥാനത്ത് സ്വർണവില വർദ്ധിക്കും. പവന് 50,000 രൂപവരെ വർദ്ധിക്കുമെന്നാണ് വിദഗ്ധർ അഭിപ്രായപ്പെടുന്നത്.
Discussion about this post