അന്നും ഇന്നും മനുഷ്യൻ ഭയക്കുന്ന ജീവിതശൈലി രോഗമാണ് കൊളസ്ട്രോൾ. പ്രമേഹം, അമിതവണ്ണം, അമിത ബി.പി. തുടങ്ങിയ ജീവിതശൈലീ രോഗങ്ങളുള്ളവരിൽ കൊളസ്ട്രോൾ നില ഉയരുന്നത് ആരോഗ്യപ്രശ്നങ്ങൾ സങ്കീർണമാക്കാനിടയുണ്ട്. തെറ്റായ ജീവിതരീതികൾ കൊളസ്ട്രോളിന്റെ അളവ് കൂടാൻ ഇടയാക്കും. കൊളസ്ട്രോൾ നില ഉയരുമ്പോൾ പ്രത്യേകിച്ച് ലക്ഷണങ്ങൾ ഉണ്ടാകണമെന്നില്ല. മറ്റെന്തെങ്കിലും ആരോഗ്യപ്രശ്നങ്ങൾക്ക് പരിശോധന നടത്തുമ്പോഴായിരിക്കാം കൊളസ്ട്രോളിന്റെ ആധിക്യം തിരിച്ചറിയാനാകുക. സൂക്ഷ്മമായി നിരീക്ഷിച്ചാൽ മിക്ക ആളുകളുടെ മുഖത്ത് കാണപ്പെടുന ചില സൂചനകളെ അപഗ്രഥിച്ച് കൊളസ്ട്രോൾ അപകടകരമായ അവസ്ഥയിൽ ആണോ എന്ന് മനസ്സിലാക്കാവുന്നതാണ്.
സാന്തെലാസ്മ
കൊളസ്ട്രോൾ കൂടുമ്പോൾ അത് കണ്ണിന് അനുബന്ധമായി തന്നെ ചില വ്യത്യാസങ്ങൾ കാണിക്കും. അതായത് കൺപോളയുടെ മുകളിലായി ‘സോഫ്റ്റ്’ ആയിട്ടുള്ള തടിപ്പ് വരുന്നതാണ് ഇതിൻറെ പ്രധാന ലക്ഷണം. കണ്ണുകളുടെ മുകളിലോ താഴെയോ കൺ്പോളകളുടെ തൊലിയിലോ കണ്ണുകളുടെ മൂലയിലോ കാണുന്ന മഞ്ഞകലർന്ന ഓറഞ്ച് പാടുകളോ മുഴകളോ ആണ് ഇവ. ഇവ മൃദുവായതും സാധാരണയായി വേദനയില്ലാത്തതുമാണ്. ഈ മുഴകൾ നെറ്റിയിലും മുഖത്തും കവിളുകളിലും ഉണ്ടായേക്കാം. ശരീരത്തിലെ കൊളസ്ട്രോൾ അളവ് സൂചിപ്പികുന ഒരു അവസ്ഥയാണ് ഇത്.
കോർണിയൽ ആർക്കസ്
കോർണിയയ്ക്ക് ചുറ്റും നേർത്ത വെളുത്ത വളയരൂപത്തിൽ കാണപ്പെടുന്നവയാണ് ഇത്. ഇത് ഹൈപ്പർ കൊളസ്ട്രോളീമിയയുടെ അവസ്ഥയെ സൂചിപ്പിക്കുന്നവയാണ്. കണ്ണിൽ കൃഷ്ണമണിക്ക് ചുറ്റുമായി വെളുത്ത നിറത്തിൽ തീരെ നേരിയ ഒരാവരണം കാണുന്നുണ്ടെങ്കിൽ ഇതും കൊളസ്ട്രോൾ വളരെയധികം കൂടിയിരിക്കുന്നു
ലൈക്കൺ പ്ലാനസ്
മുഖത്തോ ത്വക്കിലോ ഉണ്ടാകുന്ന ചാരനിറം അല്ലെങ്കിൽ തവിട്ട് നിറത്തിൽ ഉണ്ടാകുന അവസ്ഥയാണ് ഇത്. ഉയർന്ന കൊളസ്ട്രോളിൻറെ ലക്ഷണമായി ഈ രോഗാവസ്ഥയെയും കണക്കാക്കാം.
സോറിയാസിസ്
ചർമ്മത്തിൽ ഉണ്ടാകുന്ന കട്ടിയുള്ള ചെതുമ്പൽ പോലെ പിങ്ക് അല്ലെങ്കിൽ ചുവപ്പ് നിറങ്ങളിൽ കാനപെടുന്നതും, ചൊറിച്ചിൽ ഉണ്ടാക്കുകയും ചെയ്യുന്ന ഒരു ഓട്ടോ ഇമ്മ്യുണൽ രോഗമാണ് ഇത്. കൊളസ്ട്രോൾ അളവിനെ ഈ രോഗ തീവ്രത ഉപയോഗിക്കുന്നു.
മേൽപ്പറഞ്ഞ ലക്ഷണങ്ങൾ കാണുന്നപക്ഷം അത് കൊളസ്ട്രോൾ ആണെന്ന ഉറപ്പിലേക്ക് സ്വയം എത്താതെ പകരം ഡോക്ടറെ കണ്ട് പരിശോധന നടത്തിയ ശേഷം മാത്രം സ്ഥിരീകരിക്കുക.
Discussion about this post