തിരുവനന്തപുരം: ആഭ്യന്തരവകുപ്പിനെതിരെ നിരവധി പരാതികൾ ഉയരുമ്പോഴും ക്രമസമാധാന പാലനത്തിൽ കേരളം നമ്പർ വണ്ണാണെന്ന് മന്ത്രി പി എ മുഹമ്മദ് റിയാസ്. അന്വേഷണ മികവിൽ കേരള പോലീസ് ഏറ്റവും മുന്നിലാണെന്ന് മന്ത്രി കൂട്ടിച്ചേർത്തു.
ഒരു ഹോട്ടലിൽ ചായ കുടിക്കാൻ പോകുന്ന പോലെ ആർക്കും സ്റ്റേഷനിലെത്താമെന്നും പറഞ്ഞു. കേരളത്തിലെ പോലീസ് സ്റ്റേഷനുകളുടെ സ്വഭാവം മാറിയെന്നും എല്ലാവർക്കും സ്റ്റേഷനെ ആശ്രയിക്കുന്ന രീതിയിലേക്കെത്തിയെന്നും അദ്ദേഹം പറഞ്ഞു.കോഴിക്കോട്ട് നടന്ന രാജ്യത്തെ ആദ്യ വനിത പോലീസ് സ്റ്റേഷൻ സുവർണ്ണ ജൂബിലി ആഘോഷ പരിപാടിയുടെ സമാപനത്തിൽ സംസാരിക്കുകയായിരുന്നു മന്ത്രി.
പോലീസിന്റെ പോരായ്മകളാണ് പലപ്പോഴും ഉയർത്തി കാണിക്കപ്പെടുന്നതെന്നും സേനയിൽ ഇനിയും സ്ത്രീ പ്രാതിനിധ്യം ഉയർത്തുകയാണ് സർക്കാർ നയമെന്നും അദ്ദേഹം പറഞ്ഞു.
Discussion about this post