തിരുവനന്തപുരം; സംസ്ഥാന സർക്കാരിനെതിരായ ജനവികാരം പ്രതിഫലിപ്പിച്ച് എൻഡിഎയുടെ സെക്രട്ടറിയേറ്റ് ഉപരോധം. ഇന്നലെ രാത്രി മുതൽ ആരംഭിച്ച ഉപരോധത്തിൽ വിവിധ ജില്ലകളിൽ നിന്ന് ആയിരക്കണക്കിന് പ്രവർത്തകരാണ് പങ്കെടുക്കുന്നത്. ബിജെപി അദ്ധ്യക്ഷൻ ജെപി നദ്ദ പ്രതിഷേധം ഉദ്ഘാടനം ചെയ്യും. എൻഡിഎയുടെ സംസ്ഥാന നേതാക്കൾ പ്രതിഷേധത്തിൽ പങ്കെടുക്കുന്നുണ്ട്.
കൊളളക്കാർ ഭരണം വിടണമെന്നും മുഖ്യമന്ത്രി രാജിവെയ്ക്കണമെന്നും ആവശ്യപ്പെട്ടാണ് പ്രതിഷേധം. അഴിമതി, സഹകരണ കൊളള, വിലക്കയറ്റം, മാസപ്പടി തുടങ്ങി പിണറായി സർക്കാരിനെതിരെ ഉയർന്ന ആരോപണങ്ങൾ അക്കമിട്ട് നിരത്തുന്ന പ്ലക്കാർഡുകളുമേന്തിയാണ് പ്രവർത്തകർ സമരത്തിൽ പങ്കെടുക്കുന്നത്.
മുഖ്യമന്ത്രിമാരും മന്ത്രിമാരും 140 നിയമസഭാ മണ്ഡലങ്ങളിൽ നവകേരള സദസ് സംഘടിപ്പിക്കാനിരിക്കെയാണ് ബിജെപിയുടെ പ്രതിഷേധം. കെഎസ്ആർടിസി ബസിൽ നവകേരള സദസിനെത്തുമെന്ന് പ്രഖ്യാപിച്ച മുഖ്യമന്ത്രിയും മന്ത്രിമാരും കെഎസ്ആർടിസി ജീവനക്കാർക്ക് നൽകാനുളള ശമ്പള കുടിശികയും ആനുകൂല്യങ്ങളും നൽകുകയാണ് ആദ്യം വേണ്ടതെന്ന് ബിജെപി നേതാക്കൾ ചൂണ്ടിക്കാട്ടുന്നു. ബിജെപി ദേശീയ അദ്ധ്യക്ഷൻ ജെപി നദ്ദയാണ് പ്രതിഷേധം ഉദ്ഘാടനം ചെയ്യുന്നത്.
Discussion about this post