കൊച്ചി: കളമശ്ശേരി സ്ഫോടന പരമ്പരയില്‍ മറ്റ് മാനങ്ങള്‍ ഉണ്ടോയെന്ന് അന്വേഷണ ഏജന്‍സികള്‍ പരിശോധിക്കുമെന്ന് മുഖ്യമന്ത്രി പിണറായി വിജയന്‍. എടിഎസ്, ഫിംഗര്‍ പ്രിന്റ് ഉദ്യോഗസ്ഥരും അന്വേഷണ സംഘത്തിലുണ്ട്. ഡി.ജി.പി. അടക്കം ക്യാമ്പ് ചെയ്ത് മേല്‍ന്നോട്ടം വഹിക്കുന്നുണ്ട്. നല്ല നിലയിലാണ് അന്വേഷണം മുന്നോട്ടുപോകുന്നതെന്നും മുഖ്യമന്ത്രി പറഞ്ഞു.
പരിക്കേറ്റവരുടെ ചികിത്സയില്‍ ഡോക്ടര്‍മാരും ആശുപത്രിസംവിധാനങ്ങളും അര്‍പ്പണബോധത്തോടെയാണ് കാര്യങ്ങള്‍ നിര്‍വഹിക്കുന്നത്. ചികിത്സയിലുള്ളവരെ നല്ല രീതിയില്‍ പരിചരിക്കുന്നുണ്ട്. ചികിത്സാരംഗത്ത് നല്ല നിലയ്ക്കുള്ള സമീപനമാണുള്ളതെന്നും ചികിത്സയില്‍ കഴിയുന്നവരെ സന്ദര്‍ശിച്ചശേഷം അദ്ദേഹം നെടുമ്പാശ്ശേരിയില്‍ നടത്തിയ വാര്‍ത്താസമ്മേളനത്തില്‍ വ്യക്തമാക്കി.
‘അപകടം സംഭവിച്ചാല്‍ എന്ത് ചെയ്യണമെന്ന് യഹോവസാക്ഷികളുടെ എല്ലാ പരിപാടികളിലും ഒരോ ദിവസവും ബോധവത്കരണം നടത്താറുണ്ട്. അങ്ങനെ ഒരു ബോധം ഉള്ളതുകൊണ്ടാണ് തീപ്പിടിത്തത്തെ തുടര്‍ന്ന് തിക്കിലും തിരക്കിലും പെട്ടുള്ള അപകടം ഉണ്ടാവാതിരുന്നത്. ഗുരുതര നിലയിലുള്ളവര്‍ ചികിത്സയിലുണ്ട്. ഡോക്ടര്‍മാര്‍ നല്ല പ്രതീക്ഷയിലാണ്’, മുഖ്യമന്ത്രി പറഞ്ഞു.
Discussion about this post