വിശ്വസുന്ദരി ഐശ്വര്യറായിക്ക് ഇന്ന് അൻപതാം ജന്മദിനം. എന്നാൽ താരറാണി അൻപതിലെത്തിയെന്ന് വിശ്വസിക്കാനാവുന്നില്ലെന്നാണ് ലോകമെമ്പാടുമുള്ള ആരാധകരുടെ പ്രതികരണം. നിരവധി പേരാണ് താരത്തിന് ജന്മദിനാശംസകളുമായി എത്തിയിരിക്കുന്നത്. താരത്തിന്റെ പിറന്നാൾ വിശേഷം സാമൂഹ്യമാദ്ധ്യത്തിൽ മുഴുവൻ ചർച്ചയായിരിക്കുകയാണ്. സാമൂഹ്യമാദ്ധ്യത്തിൽ ഏറെ സജീവമായ താരം മകളുടെ വിശേഷങ്ങളും പങ്കു വക്കാറുണ്ട്.
1994ൽ ലോകസുന്ദരി പട്ടം സ്വന്തമാക്കിയതോടെ ഐശ്വര്യ റായ് 1997ൽ മണിരത്നം സംവിധാനം ചെയ്ത ഇരുവർ എന്ന ചിത്രത്തിലൂടെ മോഹൻലാലിന്റെ നായികയായി ആണ് വെള്ളിത്തിരയിൽ അരങ്ങേറ്റം കുറിക്കുന്നത്. ചിത്രത്തിലെ ഇരട്ട വേഷം സിനിമാ ലോകത്ത് ഒരു തുടക്കക്കാരിയെന്നതിനേക്കാൾ ഏറെ ശ്രദ്ധയാകർഷിച്ചതായിരുന്നു. പിന്നീട് കൈവച്ച ഓരോ ചിത്രങ്ങളും ഐശ്വറായിയെ സിനിമാ ലോകത്തിന്റെ റാണിയായി മാറ്റുകയായിരുന്നു. വാണിജ്യസിനിമകളിൽ ഐശ്വര്യയുടെ ആദ്യ വിജയം നേടിയ ചലച്ചിത്രം 1998-ൽ പുറത്തിറങ്ങിയ തമിഴ് ചലച്ചിത്രം ജീൻസ് ആണ്.
സഞ്ചയ് ലീലാ ബൻസാലിയുടെ ഹം ദിൽ ദേ ചുകേ സനം എന്ന സിനിമയിലൂടെ ഐശ്വര്യ ബോളിവുഡ് സിനിമാലോകത്ത് എത്തിയ ഐശ്വര്യക്ക് ഈ സിനിമയിലെ അഭിനയത്തിന് മികച്ച നടിക്കുള്ള ഫിലിംഫെയർ പുരസ്കാരം ലഭിച്ചു. തുടർന്ന് സഞ്ചയ് ലീലാ ബൻസാലിയുടെ അടുത്ത ചിത്രമായ ദേവദാസിലും ഐശ്വര്യ അഭിനയിച്ചു. തുടർന്ന് ഹിന്ദിയിൽ സജീവമായ ഐശ്വര്യ ഹിന്ദിയെക്കൂടാതെ തമിഴ്, ബംഗാളി സിനിമകളിലും ബ്രൈഡ് ആൻ പ്രിജുഡിസ്, മിസ്ട്രസ് ഓഫ് സ്പൈസസ്, ലാസ്റ്റ് റീജിയൻ എന്നീ അന്തർദേശീയ ചലച്ചിത്രങ്ങളിലും തന്റെതായ ഇടം നേടി.
2007ലാണ് താരം അഭിഷേക് ബച്ചനെ വിവാഹം കഴിച്ചത്. ഇരുവര്ക്കും ആരാധ്യ എന്ന മകളുമുണ്ട്. തെന്നിന്ത്യയിൽ തന്നെ വമ്പൻ ഹിറ്റായ പൊന്നിയിൻ സെൽവൻ എന്ന ചിത്രത്തിലാണ് താരം അവസാനമായി വേഷമിട്ടത്. നാല് വർഷത്തെ ഇടവേളയ്ക്ക് ശേഷമാണ് താരം നന്ദിനി എന്ന കഥാപാത്രമായി അവിസ്മരണീയ പ്രകടനം കാഴ്ച വച്ചത്. മണിരത്നം സംവിധാനം ചെയ്ത ചിത്രം വൻ വിജയമായിരുന്നു.
