ന്യൂഡൽഹി: കേരളപ്പിറവി ദിനത്തിൽ കേരളത്തിലെ എല്ലാവർക്കും ആശംസകൾ നേർന്ന് രാഷ്ട്രപതി ദ്രൗപതി മുർമു. കേരളത്തോടൊപ്പം രൂപീകരണ ദിനം ആഘോഷിക്കുന്ന ഏല്ലാവർക്കും രാഷ്ട്രപതി ആശംസകൾ അറിയിച്ചു.
ആന്ധ്രപ്രദേശ്, ഛത്തീസ്ഗഡ്, ഹരിയാന, കർണാടക, കേരളം, മധ്യപ്രദേശ്, പഞ്ചാബ്, ലക്ഷദ്വീപ്, പുതുച്ചേരി എന്നിവിടങ്ങളിലെ ജനങ്ങൾക്ക് അവരുടെ രൂപീകരണ ദിനത്തിൽ ആശംസകൾ! ഈ സംസ്ഥാനങ്ങളും കേന്ദ്രഭരണ പ്രദേശങ്ങളും വികസനത്തിന്റെ പാതയിൽ മുന്നേറാൻ ഞാൻ ആഗ്രഹിക്കുന്നു. എല്ലാവരുടെയും സന്തോഷത്തിനും സമൃദ്ധിക്കും വേണ്ടി ഞാൻ പ്രാർത്ഥിക്കുന്നു’-മുർമു ട്വീറ്റ് ചെയ്തു.
കേരളീയർക്ക് പ്രധാനമന്ത്രി നരേന്ദ്ര മോദിയും ആശംസകൾ അറിയിച്ചിരുന്നു. സാംസ്കാരിക തനിമ കൊണ്ടും ഉത്സാഹത്തോടെയുള്ള പ്രവർത്തനങ്ങൾ കൊണ്ടുമാണ് കേരളം അറിയപ്പെടുന്നത് എന്ന് പ്രധാനമന്ത്രി തന്റെ ട്വിറ്ററിൽ കുറിച്ചു. എല്ലായ്പ്പോഴും വിജയം സ്വന്തമാക്കാൻ കേരളത്തിലെ ജനങ്ങൾക്ക് കഴിയട്ടെ. പ്രവൃത്തികളിലൂടെ പ്രചോദനം നൽകുന്നത് കേരള ജനത തുടരട്ടെയെന്നും അദ്ദേഹം ആശംസിച്ചു.
