ഒട്ടേറെ യാത്ര ചെയ്യുന്ന ആളാണ് ബോളിവുഡ് നടി സാറ അലി ഖാന്. താരം പോകുന്ന സ്ഥലങ്ങളിലെ ചിത്രങ്ങൾ സമൂഹമാദ്ധ്യമങ്ങളിൽ പങ്കുവക്കാനും താരം മറക്കാറില്ല. അത്തരത്തിൽ താരം നടത്തിയ അമർനാഥ് യാത്രയുടെ ചിത്രങ്ങളാണ് ഇപ്പോൾ സമൂഹമാദ്ധ്യമങ്ങളിൽ ചർച്ചാ വിഷയം. ഇൻസ്റ്റഗ്രാമിലാണ് താരം അമർനാഥ് യാത്രയുടെ വിശേഷങ്ങളടങ്ങിയ വീഡിയോ പങ്കു വച്ചിട്ടുള്ളത്. താമസ സ്ഥലത്തെ ക്യാമ്പിൽ ഭക്ഷണം ഒരുക്കാൻ സഹായിക്കുന്നതും പുഴയിലെ വെള്ളത്തിൽ നിന്ന് മുഖം കഴുകുന്നതും മരത്തണലിൽ ഉറങ്ങുന്നതുമെല്ലാം വിഡിയോയിലുണ്ട്. സാറയുടെ എളിമയെ എല്ലാവരും പുകഴ്ത്തുന്നതു കമന്റുകളില് കാണാം. ഇതിന് മുമ്പും സാറ കേദാര്നാഥ്, അമര്നാഥ് തുടങ്ങിയ സ്ഥലങ്ങളിലേക്ക് യാത്ര നടത്തിട്ടുണ്ട്. ഈ ചിത്രങ്ങളെല്ലാം താരത്തിന്റെ ഇൻസ്റ്റഗ്രാമിൽ കാണാം.
ഇന്ത്യയിലെ ഏറ്റവും പ്രശസ്തമായ ഹൈന്ദവ തീർഥാടന കേന്ദ്രമാണ് ജമ്മു കാശ്മീരിലെ അനന്തനാഗ് ജില്ലയിൽ സ്ഥിതി ചെയ്യുന്ന അമർനാഥ്.
കഠിനമായ കാലാവസ്ഥാ വ്യതിയാനങ്ങളും എല്ലുകളെ പോലും മരവിപ്പിക്കുന്ന തണുപ്പും ഒക്കെ പിന്നിട്ട് വേണം തീർത്ഥാടകർക്ക് ഇവിടെയെത്താൻ. പരമശിവൻ തന്റെ അമരത്വത്തിന്റെ രഹസ്യം പാർവ്വതി ദേവിക്ക് വെളിപ്പെടുത്തിയ സ്ഥലമാണ് അമർനാഥ്. പ്രകൃതി നിർമ്മിതമായ ഈ ഗുഹാ ക്ഷേത്രം വർഷത്തിൽ കൂടുതൽ സമയവും മഞ്ഞു മൂടിയ നിലയിലാണു കാണപ്പെടുന്നത്. ശ്രാവണമാസത്തിൽ സ്വയംഭൂവായി ഇവിടെ പ്രത്യക്ഷപ്പെടുന്ന ഹിമശിവലിംഗം ദർശിക്കുന്നത് ഏറെ പുണ്യകരമായ കാര്യമായാണ് വിശ്വാസികൾ കരുതുന്നത്.
ഹിമാലയത്തിലെ തെക്കന് കശ്മീരിലുള്ള ഗുഹാക്ഷേത്രമായ അമര്നാഥില് 4.4 ലക്ഷം തീര്ഥാടകരാണ് ഈ വര്ഷം ദര്ശനം നടത്തിയത്. കഴിഞ്ഞ വര്ഷം 3.65 ലക്ഷം ഭക്തരാണ് ക്ഷേത്രത്തിലെത്തിയത്. വര്ഷത്തില് മുപ്പത് മുതല് 40 ദിവസം വരെയാണ് ഇവിടെ തീര്ഥാടനത്തിനെത്തുവാന് സാധിക്കുക. ഇന്ത്യന് സൈന്യത്തിന്റെ കര്ശനമായ സുരക്ഷയിലാണ് തീര്ഥാടകര് ക്ഷേത്രത്തിലേക്കുള്ള യാത്ര നടത്തുക.
Discussion about this post