ന്യൂഡൽഹി: ഇസ്രായേലിൽ ഹമാസ് നടത്തിയ നരഹത്യയുടെ പശ്ചാത്തലത്തിൽ, ‘അപ്രതീക്ഷിതമായത് പ്രതീക്ഷിക്കുക’യെന്ന് ഇന്ത്യൻ സൈന്യത്തോട് പ്രതിരോധ മന്ത്രി രാജ്‌നാഥ് സിംഗ്. ദേശീയ സുരക്ഷാ ഏജൻസികൾ ഭീകരാക്രമണത്തെക്കുറിച്ചും ഗാസ മുനമ്പിലെ ഐ.ഡി.എഫിന്റെ കര ആക്രമണത്തെക്കുറിച്ചും നടത്തിയ പഠനത്തിന്റെ അ‌ടിസ്ഥാനത്തിലായിരുന്നു അ‌ദ്ദേഹത്തിന്റെ പ്രസ്താവന.
ഇന്ത്യൻ അതിർത്തികളിലെ അ‌പ്രതീക്ഷിത ആക്രമണങ്ങളെ തടയാൻ, ‘ആത്മനിർഭർ ഭാരത്’ പദ്ധതിക്ക് കീഴിൽ ആയിരക്കണക്കിന് കോടി രൂപയുടെ ഡ്രോൺ വിരുദ്ധ സംവിധാനങ്ങൾ, ലോജിസ്റ്റിക് യു‌എ‌വികൾ, ഗ്രൗണ്ട് സെൻസറുകൾ എന്നിവ സ്വന്തമാക്കിയിട്ടുണ്ട്. പാക് അധീന കശ്മീരിൽ പാക്ക് ഭീകരസംഘടനകൾ സജീവമാണെങ്കിലും ജമ്മു കശ്മീരിലെ ജിഹാദികളെ ഇല്ലാതാക്കാനുള്ള ശ്രമങ്ങൾ അ‌തിർത്തിയിൽ നടക്കുന്നുണ്ട്.
ഗാസയിൽ ഇസ്രായേലിന് നേരെ ഹമാസ് നടത്തിയ റോക്കറ്റ് ആക്രമണങ്ങളെക്കുറിച്ച് കഴിഞ്ഞ മാസം നടന്ന ആർമി കമാൻഡേഴ്‌സ് കോൺഫറൻസിൽ ചർച്ച ചെയ്തിരുന്നു. യുദ്ധം പൊട്ടിപ്പുറപ്പെട്ടതിനെ കുറിച്ചും ഇത് മിഡിൽ-ഈസ്റ്റിന് ഭാവിയിൽ ഉണ്ടാക്കിയേക്കാവുന്ന വിപത്തുകളെ കുറിച്ചും പഠിക്കുന്നത് സംബന്ധിച്ചും സായുധ സേന, ഇന്റലിജൻസ്, വിദേശകാര്യ മന്ത്രാലയം എന്നിവരടങ്ങിയ കോൺഫറൻസ് ചർച്ച ചെയ്തു.
26/11 മുംബൈ ഭീകരാക്രമണത്തിന്റെ പശ്ചാത്തലത്തിൽ, ഇന്ത്യയുടെ 7500 കിലോമീറ്റർ തീരപ്രദേശത്ത് പട്രോളിംഗ് നടത്താനും 2008 ലെ ആക്രമണം ആവർത്തിക്കാതിരിക്കാനും നാവികസേന എല്ലാ നടപടികളും സ്വീകരിക്കുന്നുണ്ട്. ഗാസയിൽ സുന്നി സലഫി ഗ്രൂപ്പിന്റെ കേഡർ നശിപ്പിക്കുകയും അതിന്റെ നേതൃത്വത്തെ ഗാസ മുനമ്പിൽ നിന്ന് നിർവീര്യമാക്കുകയും ചെയ്താലേ ഹമാസിനെതിരായ ഇസ്രായേൽ യുദ്ധം അവസാനിക്കൂ എന്നാണ് ഇന്ത്യയുടെ വിലയിരുത്തൽ.
Discussion about this post