സുരേഷ് ഗോപിക്കെതിരെ മാദ്ധ്യമപ്രവർത്തക കേസ് നൽകിയ സംഭവവുമായി ബന്ധപ്പെട്ട് രമ്യ രുദ്രഭൈരവ് പങ്കുവെച്ച കുറിപ്പാണ് ഇപ്പോൾ സമൂഹമാദ്ധ്യമത്തിൽ ശ്രദ്ധ നേടുന്നത്. സിപിഎം നിയന്ത്രണത്തിലുള്ള സ്കൂളിൽ വെച്ച് സ്കൂൾ അധികൃതരുടെ അശ്രദ്ധകൊണ്ട് കാൽ പൊള്ളി അടർന്ന പെൺകുട്ടിയെ കുറിച്ചുള്ള വാർത്തകൾ പുറത്തു വരാതിരിക്കാൻ ഇടപെടലുകൾ നടത്തിയ മാദ്ധ്യമപ്രവർത്തകന്റെ ഇരട്ടത്താപ്പാണ് ഈ പോസ്റ്റിലൂടെ വ്യക്തമാക്കുന്നത്. KUWJ ജനറൽ സെക്രട്ടറി ആയ ആർ കിരൺ ബാബുവിനെ ആണ് പോസ്റ്റിലൂടെ തുറന്നുകാട്ടുന്നത്.
രമ്യ രുദ്രഭൈരവിന്റെ ഫേസ്ബുക്ക് കുറുപ്പിന്റെ പൂർണ്ണരൂപം വായിക്കാം,
ഇന്നാണൊരു സത്യമറിയുന്നത്. സുരേഷ് ഗോപി വിഷയവുമായി ഒരു ചെറിയ ബന്ധമുള്ളത് കൊണ്ട് ഇവിടെ കുറിക്കാമെന്നു കരുതി.
സ്കൂളിലെ അശ്രദ്ധ കൊണ്ട് കാൽ പൊള്ളിയടർന്ന 5വയസ്സുകാരിയെ കുറിച്ച് ഞാൻ എഴുതി പലർക്കും ഓർമ്മ കാണുമെന്നു കരുതുന്നു. കുഞ്ഞിന്റെ പൊള്ളിയ കാലും, വയറിടിച്ചു വീണ വീഴ്ചയിൽ പറ്റിയ മറ്റു ബുദ്ധിമുട്ടുകളുമായി പേടിച്ചു പിച്ചും പേയും പറയുന്ന മോളേം കൊണ്ട് ആശുപത്രി തോറും കയറിയിറങ്ങിയ ആതിരയെയും ജയകാന്തിനേം എനിക്കു നല്ല ഓർമ്മയുണ്ട്. രാഷ്ട്രീയതയുടെ നെറികെട്ട കളികൾ അറിയാതെ കൂടെ നിന്നവരെല്ലാം ഒറ്റപ്പെടുത്തിയിട്ടും ആ കുഞ്ഞുമോൾക്ക് വേണ്ടി അവർ കയറാത്ത സ്ഥാപനങ്ങളില്ല, കേഴാത്ത ആളുകളില്ല. അന്ന് അവളുടെ വാർത്തകൾ പുറത്തേക്ക് വിടാൻ സമ്മതിക്കാതെ തടഞ്ഞ മാധ്യമ പ്രവർത്തകനായ ആർ. കിരൺ ബാബുവാണ്(KUWJ ജനറൽ സെക്രട്ടറി )സുരേഷ് ഗോപി തന്റെ സഹപ്രവർത്തകയോട് അപമര്യാദയായി പെരുമാറിയെന്നും പറഞ്ഞു കേസ് ഫയൽ ചെയ്തത്.
അന്നെന്തായിരുന്നു സ്കൂൾ സിപിമ്മിന്റെ കയ്യിൽ ആയിരുന്നത് കൊണ്ടാണോ താങ്കളുടെ ബന്ധുവായ ജയകാന്തിന്റെ കുഞ്ഞിനെ സഹായിക്കാൻ തുനിയാതെ ഇരുന്നത്?? അതോ പെൺവിഷയം മാത്രേ ഏറ്റെടുക്കുകയുള്ളുവെന്നുണ്ടോ??
പൊള്ളിയടർന്ന കാലുകളുമായിരുന്ന ആ കുരുന്നിന്റെ നീതിക്കുവേണ്ടി അല്പമെങ്കിലും നട്ടെല്ല് നിവർത്താൻ സാധിച്ചിരുന്നുവെങ്കിൽ താങ്കളൊരു മാധ്യമപ്രവർത്തകനാണെന്ന് സമ്മതിച്ചു തന്നേനെ.
പെൺ വിഷയം വന്നപ്പോൾ അപാര പ്രതികരണം.. അതാകുമ്പോൾ നല്ല റീച്ച് ആണല്ലോ ല്ലേ… ഒപ്പം എതിർപക്ഷത്ത് സംഘിയും
സ്വന്തം രാഷ്ട്രീയത്തിനെതിരെ തന്നെ പോരാടുന്ന നല്ല നട്ടെല്ലുള്ള മാധ്യമ പ്രവർത്തകരെ കണ്ടിട്ടുണ്ട്. ബഹുമാനത്തോടെ നോക്കിയിട്ടുമുണ്ട്. പക്ഷെ ഇമ്മാതിരി സെലക്റ്റീവ് മഞ്ഞപത്ര മാധ്യമപ്രവർത്തനം നടത്തുന്നത് നിർത്തിയേച്ചും ദത്തൻ പറഞ്ഞത് പോലെ
“തെണ്ടാൻ പോടോ ” മാപ്രേ 😏😏😏
Discussion about this post