ആഗ്ര : ഹോംസ്റ്റേ ജീവനക്കാരിയെ കൂട്ടബലാത്സംഗത്തിന് ഇരയാക്കിയതായി പരാതി. ആഗ്രയിൽ പ്രവർത്തിച്ചിരുന്ന ഹോംസ്റ്റയിലെ ജീവനക്കാരിയെ ആണ് കൂട്ട ബലാത്സംഗം ചെയ്തത്. സംഭവത്തിൽ ഒരു സ്ത്രീ അടക്കം അഞ്ച് പേരെ പോലീസ് അറസ്റ്റ് ചെയ്തിട്ടുണ്ട്.
25 വയസ്സുള്ള യുവതിയാണ് കൂട്ടബലാത്സംഗത്തിന് ഇരയായത്. ഒരു സ്ത്രീ ഉൾപ്പെടുന്ന സംഘം ഈ യുവതിയുടെ വീഡിയോ എടുക്കുകയും അത് വെച്ച് ഭീഷണിപ്പെടുത്തുകയും ചെയ്തിരുന്നതായും പരാതിയിൽ ഉന്നയിക്കുന്നു. പിന്നീട് യുവതിയെ ഹോം സ്റ്റേയിൽ വെച്ച് നിർബന്ധിച്ച് മദ്യം കുടിപ്പിക്കുകയും കുപ്പി കൊണ്ട് തലയ്ക്ക് അടിച്ചു പൊട്ടിക്കുകയും ചെയ്തു. തുടർന്നാണ് നാലു പുരുഷന്മാർ ചേർന്ന് ഈ യുവതിയെ കൂട്ടബലാത്സംഗത്തിന് ഇരയാക്കിയത്.
ഇരയായ യുവതി ഫോണിൽ വിളിച്ച് അറിയിച്ചതിനെ തുടർന്നാണ് പോലീസ് സംഭവസ്ഥലത്ത് എത്തുന്നത്. തുടർന്ന് യുവതിയിൽ നിന്നും പരാതി സ്വീകരിക്കുകയും കുറ്റക്കാരെ ഉടൻതന്നെ അറസ്റ്റ് ചെയ്യുകയും ആയിരുന്നു. പ്രതികൾക്കെതിരെ ബലാത്സംഗ കുറ്റത്തിന് പുറമെ വധശ്രമമടക്കം വിവിധ വകുപ്പുകൾ ചേർത്ത് കേസെടുത്തിട്ടുണ്ടെന്ന് പോലീസ് അറിയിച്ചു.
Discussion about this post