എഞ്ചിന്റെ അറ്റകുറ്റപ്പണികൾക്ക് എടുക്കുന്ന സമയദൈർഘ്യം കൂടുതൽ ; എയർബസ് എ350- 1000 വാങ്ങാനുള്ള കരാർ റദ്ദാക്കി യുഎഇ

ദുബായ് : എഞ്ചിൻ നിർമ്മാതാക്കളായ റോൾസ് റോയ്‌സുമായുള്ള തർക്കത്തെ തുടർന്ന് എയർബസ് എ350-1000 ജെറ്റുകൾ വാങ്ങാനുള്ള ഉടനടി കരാർ യുണൈറ്റഡ് അറബ്  എമിറേറ്റ്‌സ് റദ്ദാക്കി. എഞ്ചിനുകളുടെ ദൈർഘ്യത്തെ ചൊല്ലിയുള്ള തർക്കമാണ് കരാർ റദ്ദാക്കലിലേക്ക് നീങ്ങിയത്.

ബോയിംഗ് 777 എക്‌സ് ജെറ്റുകൾക്കായി 50 ബില്യൺ ഡോളറിന്റെ ഓർഡർ ആയിരുന്നു കഴിഞ്ഞദിവസം യുഎഇ നൽകിയിരുന്നത്. ദുബായ് എയർലൈൻ പ്രസിഡന്റ് ടിം ക്ലാർക്ക് ആണ് കരാർ റദ്ദാക്കിയതായി അറിയിച്ചത്. യുഎഇയുടെ ആവശ്യങ്ങളുമായി താരതമ്യപ്പെടുത്തുമ്പോൾ  A350-1000 എഞ്ചിൻ അറ്റകുറ്റപ്പണികൾക്കായി നൽകുന്ന സമയദൈർഘ്യം  കുറവാണെന്ന് ടിം ക്ലാർക്ക് വ്യക്തമാക്കി.

യുഎഇ തങ്ങളുടെവിലപ്പെട്ട ഉപഭോക്താവാണെന്നും അവരുടെ ഭാവി  വളർച്ചാ പദ്ധതികളെ പിന്തുണയ്ക്കാൻ കമ്പനി ആഗ്രഹിക്കുന്നുവെന്നും റോൾസ് റോയ്‌സ് വ്യക്തമാക്കി.
റോൾസ് റോയ്‌സ് ഡ്യൂറബിലിറ്റിയും മെയിന്റനൻസ് ചെലവും മെച്ചപ്പെടുത്തിയാൽ 35 മുതൽ 50 വരെ ജെറ്റുകൾ ഓർഡർ ചെയ്യാൻ യുഎഇ  തയ്യാറാകുമെന്ന് ദുബായ് എയർലൈൻ പ്രസിഡന്റ് അറിയിച്ചിട്ടുണ്ട്.