ന്യൂഡൽഹി : 2023 ലോകകപ്പിലെ ഇന്ത്യയുടെ പ്രകടനത്തെ പ്രശംസിച്ച് ബോളിവുഡ് താരങ്ങൾ. നടൻ ഷാരൂഖ് ഖാനും രൺവീർ സിംഗും ഉൾപ്പെടെയുള്ളവരാണ് പ്രശംസിച്ചെത്തിയത്. ഇന്നലെ നരേന്ദ്ര മോദി സ്റ്റേഡിയത്തിൽ നടന്ന മത്സരത്തിൽ ഓസ്ട്രേലിയയോട് ഇന്ത്യ പരാജയപ്പെട്ടിരുന്നു. ഇതിന് പിന്നാലെയാണ് പ്രതികരണവുമായി താരങ്ങൾ രംഗത്ത് എത്തിയത്.
ലോകകപ്പിലെ മുഴുവൻ മത്സരങ്ങളിലും ഇന്ത്യൻ താരങ്ങൾ കാഴ്ചവച്ച പ്രകടനം ആദരിക്കപ്പെടേണ്ടതാണെന്ന് ഷാരൂഖ് ഖാൻ ട്വിറ്ററിൽ കുറിച്ചു. കായിക മത്സരത്തിൽ മോശം ദിനമോ ദിനങ്ങളോ ഉണ്ടായേക്കാം. യാദൃശ്ചികമെന്ന് പറയട്ടെ ആ ദിനം ഞായറാഴ്ചയായിരുന്നു. ക്രിക്കറ്റിൽ നമ്മുടെ കായിക പാരമ്പര്യത്തെ ഉയർത്തിപ്പിടിച്ചതിന് നന്ദി. മുഴുവൻ ഇന്ത്യക്കാരെയും ആവേശത്തിൽ നിങ്ങൾ ആവേശത്തിലാഴ്ത്തി. സ്നേഹനും ബഹുമാനവും. നമ്മുടെ രാജ്യത്തിന്റെ അഭിമാനം നിങ്ങൾക്ക് ഉയർത്തിപ്പിടിച്ചുവെന്നും അദ്ദേഹം കൂട്ടിച്ചേർത്തു. ഭാര്യ ഗൗരിഖാനും മക്കൾക്കുമൊപ്പം നരേന്ദ്ര മോദി സ്റ്റേഡിയത്തിൽ എത്തിയായിരുന്നു ഷാരൂഖ് മത്സരം കണ്ടത്.
ജീവിതത്തിലും കായിക മത്സരം നല്ലതും ചീത്തയും ഉണ്ടാകുമെന്ന് രൺവീർ സിംഗ് ഇൻസ്റ്റഗ്രാമിൽ കുറിച്ചു. ചില ഉയർച്ചകൾ, ചില താഴ്ച്ചകൾ. ചില നല്ല ദിനങ്ങൾ, ചില മോശം ദിനങ്ങൾ. ചിലപ്പോൾ ജയിക്കും, ചിലപ്പോൾ തോൽക്കും. അതാണ് സ്പോർട്സ്. അതാണ് ജീവിതം. സർവ്വസവും നമുക്ക് തന്ന നമ്മുടെ ചുണക്കുട്ടികളെ പ്രശംസിക്കുന്നുവെന്നും അദ്ദേഹം കൂട്ടിച്ചേർത്തു.
Discussion about this post