കാൺപൂർ: കാൺപൂർ ദെഹത്തിൽ അമിതവേഗതയിലെത്തിയ കാർ നിയന്ത്രണം വിട്ട് മരത്തിലിടിച്ച് നാല് മരണം. അപകടത്തിൽ, ഡ്രൈവർക്കും നാല് കുട്ടികൾക്കും ഗുരുതരമായി പരിക്കേറ്റിട്ടുണ്ട്. പോലീസ് എത്തിയാണ് പരിക്കേറ്റവരെ ആശുപത്രിയിൽ എത്തിച്ചത്.
എന്നാൽ, ആശുപത്രിയിൽ എത്തിച്ചപ്പോഴേക്കും ഒരു കുട്ടിയുൾപ്പെടെ നാല് പേർ മരണത്തിന് കീഴടങ്ങി.
ഗുരുതരാവസ്ഥയിലുള്ള മറ്റൊരു കുട്ടിയെ വിദഗ്ധ ചികിത്സയ്ക്കായി കാൺപൂരിലെ ഹാലെറ്റ് ആശുപത്രിയിലേക്ക് മാറ്റിയിട്ടുണ്ട്. പരിക്കേറ്റ നാല് പേരുടെ നില മെച്ചപ്പെട്ടതായി എസിപി ബിബിജിടിഎസ് മൂർത്തി അറിയിച്ചു. പരിക്കേറ്റവർക്ക് മതിയായ പരിചരണം ലഭിക്കുന്നുണ്ടെന്നും അദ്ദേഹം വ്യക്തമാക്കി. കേസിൽ കൂടുതൽ അന്വേഷണം നടന്നുവരികയാണെന്നും എസിപി വ്യക്തമാക്കി.
Discussion about this post