ലക്നൗ: പാഠപുസ്തകങ്ങളിൽ ഉൾപ്പെടുത്തേണ്ടത് ഖുർ ആൻ ആണെന്ന് സമാജ്വാദി പാർട്ടി എംപി ഷാഫിഖുർ റഹ്മാൻ ബർഖ്. അല്ലാതെ രാമായണവും മഹാഭാരതവും അല്ല. ഖുർആനെക്കാൾ മഹത്തരമായ വിശുദ്ധ ഗ്രന്ഥം വേറെയില്ലെന്നും അദ്ദേഹം പറഞ്ഞു.
എൻസിഇആർടിയുടെ പാഠപുസ്തകങ്ങളിൽ മതത്തെക്കുറിച്ചുള്ള പാഠങ്ങൾ വേണമെന്നാണ് തന്റെ നിർദ്ദേശം. എന്നാൽ രാമായണവും മഹാഭാരതവും അല്ല ഉൾപ്പെടുത്തേണ്ടത്. ഇതിന് പകരം ഖുർആൻ വേണം ഉൾപ്പെടുത്താൻ. കാരണം ഖുർആനെക്കാൾ വിലയ ഗ്രന്ഥം വേറെയില്ല. ഖുർആനെക്കാൾ മഹത്തരമായ ഗ്രന്ഥം ലോകത്തില്ലെന്നും ബർഖ് പ്രതികരിച്ചു.
സ്കൂൾ വിദ്യാർത്ഥികളുടെ പാഠപുസ്തകങ്ങളിൽ ഇനി മുതൽ മഹാഭാരതവും രാമായണവും ഉൾപ്പെടുത്തണമെന്ന് എൻസിഇആർടിസി ശുപാർശ ചെയ്തിരുന്നു. ഇതിനോട് ആയിരുന്നു എംപിയുടെ പ്രതികരണം. ദേശീയ തലത്തിൽ പുസ്തകങ്ങൾ പരിഷ്കരിക്കുന്നതിന്റെ ഭാഗമായിട്ടാണ് രാമായണവും മഹാഭാരതവും ഉൾപ്പെടുത്തുന്നത്.
Discussion about this post