ഉത്തരകാശി:ഉത്തരാഖണ്ഡിലെ സില്ക്യാര തുരങ്കത്തില് നിന്ന് പുറത്തുവന്ന തൊഴിലാളികളുമായി പ്രധാനമന്ത്രി നരേന്ദ്ര മോദി സംസാരിച്ചു. അവരുടെ ആരോഗ്യവും ക്ഷേമവും ചോദിച്ചറിയുകയും, നിങ്ങള് പരസ്പരം കാണിച്ച ധൈര്യം വളരെ വലുതാണെന്നും അദ്ദേഹം പറഞ്ഞു.
രക്ഷപ്പെടുത്തിയ 41 പേരെയും പ്രാഥമിക ചികിത്സക്കായി ചിന്യാലിസൗറിലെ ആശുപത്രിയില് എത്തിച്ചു. അവര്ക്ക് ആവശ്യമായ ആരോഗ്യ പരിശോധനകളും നടക്കുന്നുണ്ട്. ഡോക്ടര്മാരുടെ നിര്ദേശപ്രകാരമാണ് ഭക്ഷണം നല്കുന്നത്. സംസ്ഥാന സര്ക്കാര് അവരുടെ സൗകര്യത്തിനനുസരിച്ച് വീട്ടിലേക്ക് കൊണ്ടുപോകുന്നതിനുള്ള പൂര്ണ്ണമായ ക്രമീകരണങ്ങള് ചെയ്യും.
ഇന്നലെ വൈകുന്നേരത്തോടെയാണ് 17 ദിവസം നീണ്ടുനിന്ന രക്ഷാപ്രവര്ത്തനം വിജയകരമായി അവസാനിച്ചത്. തുരങ്കത്തില് കുടുങ്ങിയ 41 തൊഴിലാളികളെയും സുരക്ഷിതമായി പുറത്തെത്തിച്ചതും രക്ഷാപ്രവര്ത്തനം വിജയിച്ചതും രാജ്യത്തെ ജനങ്ങള്ക്ക് വികാരനിര്ഭരമായ നിമിഷമായിരുന്നു. ഈ രക്ഷാപ്രവര്ത്തനവുമായി ബന്ധപ്പെട്ട മുഴുവന് സംഘത്തിനെ എന്റെ ഹൃദയത്തില് നിന്ന് അഭിനന്ദിക്കുന്നു. അവരുടെ ധീരതയും നിശ്ചയദാര്ഢ്യവും നമ്മുടെ തൊഴിലാളി സഹോദരങ്ങള്ക്ക് പുതുജീവന് നല്കി. രക്ഷാപ്രവര്ത്തനം വിജയം കണ്ടതിന് പിന്നാലെ പ്രധാനമന്ത്രിയുടെ പ്രതികരണം ഇതായിരുന്നു.
41 പേരും ഒരുമിച്ചായതിനാല് ഞങ്ങള്ക്ക് ഭയമോ നിരാശയോ തോന്നിയിരുന്നില്ല. ഞങ്ങള് എല്ലായ്പ്പോഴും ഒരുമിച്ചായിരുന്നു. ഞങ്ങളെ പിന്തുണച്ച സര്ക്കാരിനോട് നന്ദി പറയുന്നു. മുഖ്യമന്ത്രി ഞങ്ങളോട് എപ്പോഴും സംസാരിച്ചിരുന്നു.എല്ലാവരോടും ഞങ്ങള് കടപ്പെട്ടിരിക്കുന്നു. തൊഴിലാളികള് പ്രധാനമന്ത്രിയോട് പറഞ്ഞു.
Discussion about this post