നോട്ടെണ്ണൽ യന്ത്രം വരെ പണിമുടക്കി. രാഹുൽ ഗാന്ധിയുടെ അടുപ്പക്കാരനിൽ നിന്നും കോടികണക്കിന് രൂപയുടെ കള്ളപ്പണം പിടിച്ച് ആദായനികുതി വകുപ്പ്

ഝാർഖണ്ട്: ഝാർഖണ്ഡിൽ നിന്നുള്ള കോൺഗ്രസ് രാജ്യസഭാ എംപിയും രാഹുൽ ഗാന്ധിയുമായി അടുത്ത ബന്ധം പുലർത്തുന്ന വ്യക്തിയുമായ ധീരജ് സാഹുവുമായി ബന്ധപ്പെട്ട സ്ഥലങ്ങളിൽ ആദായ നികുതി വകുപ്പ് നടത്തിയ റെയ്ഡിൽ വൻ തുക പിടിച്ചെടുത്തു. റാഞ്ചി, ലോഹർദാഗ, ഒഡീഷ എന്നിവിടങ്ങളിലെ എംപിയുടെ സ്ഥലങ്ങളിൽ ഒരേസമയം നടത്തിയ റെയ്ഡുകളിൽ നിന്നാണ്, കൊണ്ടുപോകാൻ ട്രക്കുകൾ തന്നെ ആവശ്യമായി വരുന്നത്ര പണം കണ്ടെടുത്തത്.

ഓവർലോഡ് കാരണം റെയ്ഡിന്റെ ആദ്യ ദിവസം തന്നെ പണം എണ്ണുന്ന യന്ത്രങ്ങളുടെ പ്രവർത്തനം നിലച്ചതായി റിപ്പോർട്ടുണ്ട് . 150 കോടിയോളം രൂപ എണ്ണിത്തിട്ടപ്പെടുത്തിയെന്നും പകുതിയോളം പണം ഇനിയും എണ്ണാനുണ്ടെന്നും റിപ്പോർട്ടുകൾ പറയുന്നു. സ്വർണാഭരണങ്ങളും ബിസ്‌ക്കറ്റുകളും കണ്ടെടുത്തിട്ടുണ്ട്, അവ ഇനിയും എണ്ണി തിട്ടപ്പെടുത്താനുണ്ട്. പിടിച്ചെടുത്ത പണത്തിന് മാത്രം 300 കോടിയിലധികം മൂല്യം വരുമെന്നാണ് റിപ്പോർട്ടുകൾ.

കോൺഗ്രസ് എംപി ധീരജ് സാഹു രാഹുൽ ഗാന്ധിയുടെ അടുത്ത അനുയായിയാണ്. ഭാരത് ജോഡോ യാത്രയിൽ അദ്ദേഹം സജീവമായി പങ്കെടുത്തിരുന്നു . ഈ റെയ്ഡിന് മണിക്കൂറുകൾക്ക് മുമ്പ് അദ്ദേഹം കോൺഗ്രസിന്റെ ഭാരത് ജോഡോ യാത്രയിൽ രാഹുൽ ഗാന്ധിയുമായി അടുത്തിടപഴകുന്ന തരത്തിലുള്ള പോസ്റ്റുകളിട്ടിരുന്നു

ബുധനാഴ്ച ആദായ നികുതി സംഘം ബൗദ് ഡിസ്റ്റിലറീസ് പ്രൈവറ്റ് ലിമിറ്റഡിന്റെ സ്ഥാപനങ്ങളിലും അനുബന്ധ സ്ഥാപനങ്ങളിലും റെയ്ഡ് നടത്തി. ബൗദ് ഡിസ്റ്റിലറി പ്രൈവറ്റ് ലിമിറ്റഡിന്റെ ഒരു പങ്കാളിത്ത സ്ഥാപനമാണ് ബാൽഡിയോ സാഹു ആൻഡ് ഗ്രൂപ്പ് ഓഫ് കമ്പനീസ്.

ബാൽഡിയോ സാഹു ഗ്രൂപ്പ് ഓഫ് കമ്പനികൾ സാഹു കുടുംബത്തിൽ പെട്ടതാണ്. കമ്പനിക്ക് ഒഡീഷയിൽ 40 വർഷം പഴക്കമുള്ള മദ്യനിർമ്മാണ ബിസിനസ്സ് ഉണ്ട്. എംപി ധീരജ് സാഹുവിന്റെ പിതാവ് ബൽദിയോ സാഹുവിന്റെ പേരിലാണ് ഇത് അറിയപ്പെടുന്നത്. ഈ ഗ്രൂപ്പിലെ കമ്പനികളുടെ ഡയറക്ടർമാരിൽ അദ്ദേഹത്തിന്റെ മറ്റ് കുടുംബാംഗങ്ങളും ഉൾപ്പെടുന്നു