അഗർത്തല: ത്രിപുരയിൽ ഗുണമേന്മയുള്ള വിദ്യാഭ്യാസവും ആരോഗ്യ പരിരക്ഷയും ഉറപ്പാക്കാൻ കേന്ദ്രസർക്കാർ. ഇരു മേഖലകളിലെയും അടിസ്ഥാന സൗകര്യം ഉറപ്പാക്കുന്നതിനായി 81.75 കോടി രൂപ അനുവദിച്ചു. എംബിബി കോളേജിൽ സയൻസ് കെട്ടിടവും, ഗണ്ഡത്വിസ ഗവൺമെന്റെ് ഡിഗ്രി കോളേജിൽ വനിത ഹോസ്റ്റലും ഉൾപ്പെടെയുള്ള അടിസ്ഥാന സൗകര്യ പദ്ധതികൾക്കാണ് കേന്ദ്രസഹായം വഴിയൊരുക്കുന്നത്.
കേന്ദ്രസഹായം സംബന്ധിച്ച വിവരം മുഖ്യമന്ത്രി മണിക് സാഹയാണ് മാദ്ധ്യമങ്ങളെ അറിയിച്ചത്. എംബിബി കോളേജിൽ ജി+4 നിലകളുള്ള സയൻസ് കെട്ടിടം നിർമ്മിക്കുന്നതിന് കേന്ദ്രസർക്കാർ 77.15 കോടിയാണ് അനുവദിച്ചിട്ടുള്ളത്. വിദൂര പ്രദേശങ്ങളിൽ വിദ്യാഭ്യാസ അടിസ്ഥാനസൗകര്യങ്ങൾ വികസിപ്പിക്കുന്നതിനായി 4.60 കോടി രൂപയുടെ സാമ്പത്തിക വിഹിതം അനുവദിച്ചിട്ടുണ്ടെന്നും അദ്ദേഹം വ്യക്തമാക്കി.
ധലായ് ജില്ലയിലെ ഗണ്ഡത്വിസ ഗവൺമെന്റെ് ഡിഗ്രി കോളേജിൽ 50 പേർക്ക് താമസിക്കാവുന്ന വനിതാ ഹോസ്റ്റലാണ് കേന്ദ്രസഹായം ഉപയോഗിച്ച് നിർമ്മിക്കുന്നത്. ഇതുകൂടാതെ അഗർത്തലയിൽ മാസ്റ്റർ പാറയിൽ പുതിയ ഹെൽത്ത് ആന്റ വെൽനസ് സെന്ററിന്റെ നിർമ്മാണവും പുരഗോമിക്കുന്നുണ്ട്.
Discussion about this post