“ഗ്യാൻവാപി റിപ്പോർട്ട്” ആർക്കിയോളോജിക്കൽ സർവ്വേ ഓഫ് ഇന്ത്യ ഇന്ന് കോടതിയിൽ വെക്കും

വാരാണസി : വിവാദമായ ഗ്യാൻവാപി  കുറിച്ചുള്ള ശാസ്ത്രീയ റിപ്പോർട്ട്, ആർക്കിയോളോജിക്കൽ സർവ്വേ ഓഫ് ഇന്ത്യ ഇന്ന് കോടതി മുമ്പാകെ സമർപ്പിക്കും.

കാശി വിശ്വനാഥ ക്ഷേത്രപരിസരത്ത് സ്ഥിതി ചെയ്യുന്ന ഗ്യാൻവാപി ക്ഷേത്രം 1669 ൽ ഔരംഗസേബ് നനശിപ്പിച്ചതായിട്ടാണ് കരുതപ്പെടുന്നത് . തകർക്കപ്പെട്ട ക്ഷേത്രത്തിന്റെ ഒരു ഭാഗം ബോധപൂർവ്വം തന്നെ കെട്ടിടത്തിന്റെ പിൻവശത്തെ ഭിത്തിയായി സംരക്ഷിക്കപ്പെട്ടു, അതിനാലാണ് ക്ഷേത്രത്തിന്റെ പേരിൽ ഗ്യാൻവാപി  എന്ന്  അറിയപ്പെട്ടത്.

നവംബർ 17-നകം സർവേ റിപ്പോർട്ട് സമർപ്പിക്കാൻ കോടതി നേരത്തെ ആവശ്യപ്പെട്ടിരുന്നു. പിന്നീട്, റിപ്പോർട്ട് സമർപ്പിക്കാൻ എഎസ്‌ഐക്ക് നവംബർ 28 വരെ സമയം അനുവദിച്ചു. എന്നാൽ നവംബർ 30-ന് എഎസ്‌ഐക്ക് കോടതി വീണ്ടും 10 ദിവസത്തെ സമയം നൽകുകയും “നൽകിയ സമയത്തിനുള്ളിൽ” റിപ്പോർട്ട് സമർപ്പിക്കാൻ ഉത്തരവിടുകയും ചെയ്തിരുന്നു.

100 ദിവസമായി നടന്നു കൊണ്ടിരിക്കുകയാണ് , ഈ കാലയളവിൽ എഎസ്‌ഐ നിരവധി തവണ സമയം നീട്ടി നൽകാൻ ആവശ്യപ്പെട്ടിരുന്നു.

ഇപ്പോൾ ഗ്യാൻവാപി കെട്ടിടം  സ്ഥിതി ചെയ്യുന്ന സ്ഥലത്ത് പുരാതനമായ ക്ഷേത്രം ഉണ്ടായിരുന്നുവെന്നും, ക്ഷേത്രം നിലനിന്നിരുന്ന സ്ഥലം ഹിന്ദുക്കൾക്ക് ആരാധനയ്ക്കായി പുനഃ സ്ഥാപിച്ചു തരണം എന്നും ആവശ്യപ്പെട്ടാണ് ഹർജിക്കാർ കോടതിയെ സമീപിച്ചിരിക്കുന്നത്.