മേഘാലയ: ഇന്ത്യ-യുഎസ് സംയുക്ത പ്രത്യേക സേനാ അഭ്യാസത്തിന്റെ 14-ാം പതിപ്പ്, “വജ്ര പ്രഹാർ 2023”, മേഘാലയയിലെ ഉംറോയിയിലുള്ള സംയുക്ത പരിശീലന കേന്ദ്രത്തിൽ വിജയകരമായി പരിസമാപ്തി കുറിച്ചു.
ഈ സംയുക്ത സൈനിക ഉദ്യമത്തിന്റെ സമാപനം, ഇന്ത്യയിലെ യുഎസ് അംബാസഡർ എറിക് ഗാർസെറ്റിയുടെ അഭിനന്ദന സന്ദേശത്തോട് കൂടി അതിന്റെ പരിസമാപ്തിയിലെത്തി. യുണൈറ്റഡ് സ്റ്റേറ്റ്സ് ആർമിയ്ക്കും ഇന്ത്യൻ ആർമി സ്പെഷ്യൽ ഫോഴ്‌സിനും അവരുടെ പ്രശംസനീയമായ പരിശ്രമങ്ങൾക്ക് നന്ദി .
എറിക് ഗാർസിറ്റി തന്റെ സമൂഹമാധ്യമ പ്ലാറ്റ്ഫോം ആയ എക്‌സിൽ കുറിച്ചു.
യുഎസ്-ഇന്ത്യ പ്രതിരോധ പങ്കാളിത്തം പുതിയ ഉയരങ്ങളിലേക്ക് ഉയർത്തുക മാത്രമല്ല, മികച്ച പരിശീലനങ്ങളുടെ കൈമാറ്റത്തിലൂടെ പരസ്പര പ്രവർത്തനക്ഷമത ശക്തിപ്പെടുത്തുകയും ചെയ്യുന്നതിൽ ഇത്തരം ഉഭയകക്ഷി സംയുക്ത സൈനികാഭ്യാസങ്ങളുടെ സുപ്രധാന പങ്ക് അംബാസഡർ ഗാർസെറ്റി ഊന്നിപ്പറഞ്ഞു. സംയുക്ത ഉദ്യമത്തിന്റെ വിജയത്തിന് സഹായകമായ ആതിഥ്യമര്യാദയും സഹകരണവും എടുത്തുകാണിച്ചുകൊണ്ട് ഈ വർഷത്തെ അഭ്യാസത്തിന്റെ പതിപ്പിന് ആതിഥേയത്വം വഹിച്ചതിന് അദ്ദേഹം ഇന്ത്യക്ക് പ്രത്യേക നന്ദി പറഞ്ഞു.
യുഎസ് സ്പെഷ്യൽ ഫോഴ്‌സിന്റെ ഒന്നാം സ്പെഷ്യൽ ഫോഴ്‌സ് ഗ്രൂപ്പിലെ (എസ്‌എഫ്‌ജി) ഉദ്യോഗസ്ഥരാണ് യുഎസ് സംഘത്തെ പ്രതിനിധീകരിച്ചത്. കിഴക്കൻ കമാൻഡിൽ നിന്നുള്ള പ്രത്യേക സേനാംഗങ്ങളാണ് ഇന്ത്യൻ കരസേനയെ നയിച്ചത്.
ഇരു രാജ്യങ്ങളിലെയും പ്രത്യേക സേനകൾക്കിടയിൽ ആശയങ്ങൾ കൈമാറുന്നതിനും മികച്ച സമ്പ്രദായങ്ങൾ പങ്കിടുന്നതിനുമുള്ള ഒരു സംവിധാനമായി വജ്ര പ്രഹാർ സൈനികാഭ്യാസം വികസിച്ചു വന്നിട്ടുണ്ട്
Discussion about this post