വാഷിംങ്ടൺ: ബ്രിട്ടൻ പ്രധാനമന്ത്രി തിരഞ്ഞെടുപ്പിന് ശേഷം ലോകം ഒന്നടങ്കം ഉറ്റുനോക്കുന്ന ഒന്നാണ് അമേരിക്കൻ പ്രസിഡന്റ് തിരഞ്ഞെടുപ്പ്. ബ്രിട്ടനിലേത് പോലെ തന്നെ ഒരു ഇന്ത്യൻ വംശജനും മത്സരരംഗത്തുണ്ട്. യുകെയിൽ ഋഷി സുനക് ചരിത്രം രചിച്ചത് പോലെ യുഎസിൽ റിപ്പബ്ലിക്കൻ പാർട്ടി സ്ഥാനാർത്ഥിയായ ഇന്ത്യൻ വംശജൻ വിവേക് രാമസ്വാമി ചരിത്രം സൃഷ്ടിക്കുമോ എന്നാണ് ആളുകൾ ഉറ്റുനോക്കുന്നത്.
ഇപ്പോഴിതാ ലോവ നിവാസിയായ ഗണ്ണി മിഷേൽ എന്ന വോട്ടർ ചോദിച്ച ചോദ്യത്തിന് അദ്ദേഹം നൽകിയ മറുപടി ഇപ്പോൾ വൈറലായിരിക്കുകയാണ്. വോട്ടർമാരുമായി സംവദിക്കുന്നതിനിടയിൽ, ഒരു ഹിന്ദു എങ്ങനെ യുഎസ് പ്രസിഡന്റാകുമെന്ന ചോദ്യമാണ് ഗണ്ണി ഉന്നയിച്ചത്.
ഞങ്ങളുടെ രാജ്യത്തിന്റെ അടിത്തറ ഉണ്ടാക്കിയ പിതാമഹന്മാരുമായി യാതൊരു തരത്തിലും ചേരാത്ത ഒരു മതമാണ് താങ്ങളുടെത് അക്കാരണത്താൽ താങ്കൾ പ്രസിഡന്റാക്കരുതെന്ന് ഉറപ്പിക്കുന്നവരോട് എങ്ങനെയായിരിക്കും പ്രതികരണം എന്നായിരുന്നു ഗണ്ണിയുടെ ചോദ്യം
ഞാനൊരു ഹിന്ദുവാണ്. ഞാൻ എന്റെ സ്വത്വം മറയ്ക്കാൻ ഇഷ്ടപ്പെടുന്നില്ല. ഹിന്ദുമതവും ക്രിസ്തുമതവും പങ്കുവയ്ക്കുന്ന മൂല്യങ്ങൾ ഒന്നുതന്നെയാണ്.’ എന്റെ വിശ്വാസം അനുസരിച്ച് ഞാൻ മനസിലാക്കിയിരിക്കുന്നത്, ഓരോ മനുഷ്യനും ഈ ലോകത്തെത്തുന്നതിന് പിന്നിലൊരു കാരണമുണ്ടാകും എന്നാണ്. അവ പൂർത്തിയാക്കുകയാണ് നമ്മുടെ കർത്തവ്യം. കാരണം ഈശ്വരൻ നമ്മളിൽ ഓരോരുത്തരിലുമുണ്ട്. ദൈവം നമ്മിൽ എല്ലാവരിൽ കൂടിയും വ്യത്യസ്തമായാണ് പ്രവർത്തിക്കുന്നതെങ്കിലും നമ്മളെല്ലാം ഒന്നാണ്.
38 വയസ്സുകാരനായ സംരംഭകനാണ് വിവേക്. എഴുത്തുകാരൻ കൂടിയായ അദ്ദേഹം ഓഹിയോയിലെ സിൻസിനാറ്റിൻ സ്വദേശിയാണ് പാലക്കാടാണ് മാതാപിതാക്കളുടെ സ്വദേശം. കഹാർവഡ് കോളജിൽ നിന്ന് ബയോളജിയിൽ ബിരുദവും യേൽ സർവകലാശാലയിൽ നിന്ന് നിയമത്തിൽ ഡോക്ടറേറ്റും നേടിയ വിവേക്, ഹെഡ്ജ് ഫണ്ട് സ്ഥാപനത്തിന്റെ സഹ ഉടമസ്ഥനായി. പിന്നീട് റോയവെന്റ് സയൻസസ് എന്ന ബയോടെക് കമ്പനി സ്ഥാപിച്ചു. 2014 ൽ അതിന്റെ സിഇഒ സ്ഥാനം ഒഴിഞ്ഞ വിവേക് 2021 വരെ ചെയർമാൻ സ്ഥാനത്തു തുടർന്നു. 2022 ൽ സ്‌ട്രൈവ് അസെറ്റ് മാനേജ്‌മെന്റെ എന്ന നിക്ഷേപ സ്ഥാപനത്തിനു തുടക്കമിട്ടു. സാമൂഹിക, പാരിസ്ഥിതിക വിഷയങ്ങളിലും കമ്പനികളുടെ ഭരണവുമായി ബന്ധപ്പെട്ട വിഷയങ്ങളിലും സാമ്പ്രദായികമല്ലാത്ത നിലപാടിലൂടെ ശ്രദ്ധേയനായി.
Discussion about this post