ചെന്നൈ:നടി തൃഷയ്ക്കെതിരായി മാനനഷ്ട കേസ് നല്കിയ മന്സൂര് അലി ഖാന്െ ഹര്ജി മദ്രാസ് ഹൈക്കോടതി തള്ളി. ഒരു ലക്ഷം രൂപ പിഴയും ചുമത്തി. പിഴത്തുക അഡയാര് കാന്സര് ഇന്സ്റ്റിറ്റ്യൂട്ടിന് 14 ദിവസങ്ങള്ക്കുളളില് നല്കാനും കോടതി ഉത്തരവിട്ടു.പ്രശസ്തിക്ക് വേണ്ടിയാണ് മന്സൂര് കേസുമായി കോടതിയെ സമീപിച്ചതെന്ന് കോടതി വിമര്ശിച്ചു.ഒരു കോടി രൂപ നഷ്ടപരിഹാരം ആവശ്യപ്പെട്ടാണ് മന്സൂര് അലി ഖാന് കേസ് നല്കിയിരുന്നത്.
തൃഷ എക്സ് അക്കൗണ്ടിലൂടെ തന്നെ അപമാനിച്ചുവെന്ന് കാണിച്ചാണ് മന്സൂര് അലി ഖാന് മദ്രാസ് ഹൈക്കോടതിയില് കേസ് നല്കിയത്. ദേശീയ വനിത കമ്മീഷന് അംഗം ഖുശ്ബു, നടന് ചിരഞ്ജീവി എന്നിവര്ക്കെതിരെയും മന്സൂര് അലി ഖാന് കേസ് നല്കിയിരുന്നു.
കഴിഞ്ഞയാഴ്ച കേസിന്റെ വിചാരണക്കിടെ മന്സൂര് അലി ഖാനെ ഹൈക്കോടതി രൂക്ഷമായാണ് വിമര്ശിച്ചത്. ഈ വിഷയത്തില് തൃഷയാണ് കേസ് നല്കേണ്ടതെന്ന് ഹൈക്കോടതിയെ അഭിപ്രായപ്പെട്ടു. പൊതുസ്ഥലങ്ങളില് എങ്ങനെ പെരുമാറണമെന്ന് മന്സൂര് അലി ഖാന് പഠിക്കണം എന്നും മദ്രാസ് ഹൈക്കോടതി വിമര്ശിച്ചു.
ലിയോ സിനിമയുടെ പ്രമോഷന് ചടങ്ങിനിടെ സിനിമയില് തനിക്ക് നടി തൃഷയെ ബലാത്സംഗം ചെയ്യാന് കഴിയുന്ന സീനുകള് ഒന്നും ഉണ്ടായില്ല എന്നതില് വിഷമം ഉണ്ടെന്നുള്ള മന്സൂര് അലിഖാന്റെ പരാമര്ശം വലിയ വിവാദങ്ങള് ആയിരുന്നു സൃഷ്ടിച്ചിരുന്നത്. തമിഴ് താരസംഘടനയില് നിന്നും അടക്കം വലിയ എതിര്പ്പ് ഈ വിഷയത്തില് മന്സൂര് അലി ഖാന് നേരെ ഉണ്ടായിരുന്നു.
