പത്തനംതിട്ട: സ്വാമി അയ്യപ്പന്റെ തിരുവാഭരണവും വഹിച്ചുകൊണ്ടുള്ള തങ്കയങ്കി ഘോഷയാത്ര പുരോഗമിക്കവെ ശബരിമലയിൽ വൻ ഭക്തജന തിരക്ക് തുടരുന്നു. കഴിഞ്ഞ ദിവസം മാത്രം 97,000 പേരാണ് ദർശനത്തിന് എത്തിയത്. ദർശനത്തിനായി ഭക്തരുടെ നീണ്ട നിരയാണ് നിലവിൽ അനുഭവപ്പെടുന്നത്.
ഭക്തജന തിരക്ക് കാരണം പമ്പയിൽ കർശന നിയന്ത്രണങ്ങൾ ഏര്പ്പെടുത്തിയിട്ടുണ്ട്. ഇന്ന് രാവിലെ ആറ് മണിവരെ പടി ചവിട്ടിയത് 21000 ഭക്തരാണെന്നാണ് ഔദ്യോഗിക കണക്ക്. വരും മണിക്കൂറുകളിൽ തിരക്കിൽ വർദ്ധനവ് ഉണ്ടായാൽ ജില്ലയുടെ പല ഭാഗങ്ങളിലും വാഹന നിയന്ത്രണത്തിനും സാധ്യതയുണ്ട്.
പുല്ലുമേട് കാനനപാത വഴിയും ഭക്തജന പ്രവാഹം തുടരുകയാണ് എന്നാണ് വിവരം. തങ്കയങ്കിമായുള്ള ഘോഷയാത്ര മറ്റന്നാൾ ശബരിമലയിൽ എത്തും. 27ന് മണ്ഡല പൂജയോടെ നട അടയ്ക്കും. മകരവിളക്ക് തീർത്ഥാടനത്തിനായാണ് പിന്നീട് നട തുറക്കുക.
Discussion about this post