തിരുവനന്തപുരം : പൊന്മുടിയിൽ റോഡരികിൽ പുള്ളിപ്പുലിയെ കണ്ടെത്തിയത് ആശങ്കക്ക് ഇടയാക്കുന്നു. പൊന്മുടി പോലീസ് സ്റ്റേഷന് സമീപം ഇന്ന് രാവിലെ 8:30 ന് ആയിരുന്നു പുള്ളിപ്പുലിയെ കണ്ടെത്തിയത്. റോഡിലൂടെ നടന്ന ശേഷം പുലി കാട്ടിലേക്ക് കയറിപ്പോയി. വനം വകുപ്പ് സ്ഥലത്തെത്തി കൂടുതൽ പരിശോധനകൾ നടത്തി.
ക്രിസ്മസ് അവധിക്കാലമായതിനാൽ പൊന്മുടിയിൽ ധാരാളം സഞ്ചാരികൾ വന്നെത്തുന്ന സമയമാണ്. അതിനാൽ തന്നെ പുള്ളിപ്പുലിയെ കണ്ടെത്തിയത് വലിയ ആശങ്കയ്ക്ക് ഇടയാക്കിയിട്ടുണ്ട്. ജനവാസ മേഖലയിലേക്ക് വന്യമൃഗങ്ങൾ കടന്നുവരുന്നത് പൊന്മുടിയിലേക്ക് എത്തുന്ന സഞ്ചാരികളെ ബാധിക്കുന്നതാണ്.
രാവിലെ പുള്ളിപ്പുലിയെ കണ്ടെത്തിയ ഉടൻ തന്നെ പൊലീസ് വിവരമറിയിച്ചതിനെ തുടർന്ന് വനം വകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തി. എന്നാൽ പുലിയെ പിന്നീട് കണ്ടെത്താൻ കഴിഞ്ഞിട്ടില്ല. സഞ്ചാരികൾ ധാരാളമായി വന്നെത്തുന്ന സമയം ആയതിനാൽ പ്രദേശത്ത് വനംവകുപ്പിന്റെ നിരീക്ഷണവും പരിശോധനയും ശക്തമാക്കിയിട്ടുണ്ട്.
Discussion about this post