തൃശൂര്: എല്ലാതരം വിശ്വാസങ്ങളെയും സംരക്ഷിക്കുന്നതിന് വേണ്ടിയാണ് കമ്മ്യൂണിസ്റ്റുകാര് പ്രവര്ത്തിക്കുന്നതും പോരാടുന്നതുമെന്ന് പ്രതിപക്ഷ നേതാവ് വിഎസ് അച്യുതാനന്ദന്. തൃശൂര് മതികുന്ന് ക്ഷേത്രത്തിന്റെ ഊട്ടുപുര സമര്പ്പണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
കമ്മ്യൂണിസ്റ്റുകാരനായ താന് ക്ഷേത്രചടങ്ങുകളില് പങ്കെടുക്കുന്നത് ചര്ച്ചയാകുന്നത് സ്വാഭാവികമാണെന്നും അദ്ദേഹം പറഞ്ഞു. കമ്മ്യൂണിസ്റ്റുകാര് അവിശ്വാസികളും ദൈവ നിഷേധികളുമാണെന്ന ചിന്തയാണ് ഇവരുടെ സംശയത്തിന്കാരണം. മനുഷ്യരും മാനവീകതയും മാത്രമാണ് കമ്മ്യൂണിസ്റ്റുകാരന്റെ പ്രവര്ത്തനപഥത്തിന് വെളിച്ചം പകരുന്നതെന്നും വിഎസ് പറഞ്ഞു.
Discussion about this post